މިއަހަރަކީ އެންމެ ގިނައިން ފިޠުރު ޒަކާތް ލިބުނު އަހަރު ކަމަށް އިސްލާމީ ކަންތައްތަކާ ބެހޭ ވުޒާރާއިން ބުނެފިއެވެ.
އެ ވުޒާރާއިން ހާމަކޮށްފައިވާ ތަފާސްހިސާބުތައް ދައްކާގޮތުން މިއަހަރުގެ ފިޠުރު ޒަކާތުގެ ގޮތުގައި 13,264,819.00 ރުފިޔާ ވަނީ ލިބިފައެވެ. މިދިޔަ އަހަރު ފިޠުރު ޒަކާތުގެ ގޮތުގައި ލިބިފައިވަނީ 12,594,777.92 ރުފިޔާއެވެ.
2023 ވަނަ އަހަރު ފިޠުރު ޒަކާތުގެ ގޮތުގައި 12,691,506.08 ރުފިޔާ ލިބިފައިވާއިރު، 2022 ވަނަ އަހަރު ލިބިފައިވަނީ 11,669,385.10 ރުފިޔާއެވެ.
Advertisement
ގޮވާމުން ބަލައިގަތް ފިޠުރު ޒަކާތުގެ ތަފާސްހިސާބަށް ބަލާއިރު، މިއަހަރު 10,025.66 ކިލޯ ވަނީ ލިބިފައެވެ. މިދިޔަ އަހަރު 12,959.29 ކިލޯ ލިބުނު އިރު، 2023 ވަނަ އަހަރު ލިބިފައިވަނީ 12,380.85 ކިލޯއެވެ. އަދި 2022 ވަަނަ އަހަރު ލިބިފައިވަނީ 10,092.00 އެވެ.
ވުޒާރާއިން ބުނީ ފަޤީރުންގެ ދަފްތަރުފައިވާ ކޮންމެ ފަރުދަކަށް ފިޠުރު ޒަކާތުގެ ގޮތުގައި 4500 ރުފިޔާ ޖަމާކޮށްފައިވާ ކަމަށެވެ. އަދި ގޮވާމުން މާލެ ސަރަޙައްދުގައި ކޮންމެ ފަޤީރަކަށް 15 ކިލޯ ބެހޭނެ ކަމަށް ވުޒާރާއިން ބުންޏެވެ.
މީގެ އިތުރުން 5 ލައްކަ ރުފިޔާ ފަލަޞްޠީނުގެ ޣައްޒާގެ ކުޑަކުދިންގެ ކާބޯ ތަކެއްޗަށް ހަދިޔާކުރަން ނިންމާފައިވާ ކަމަށް ވުޒާރާއިން ބުންޏެވެ.
