މެންޗެސްޓަރ ސިޓީގައި ފިލް ފޯޑެންގެ މި މޫސުމުގެ ކުޅުން ހުރީ އެހާ ރަނގަޅު ފެންވަރެއްގައި ނޫންކަމަށް ފާހަގަކުރެވިފައިވާ ހިނދު، އިނގިރޭސި ޤައުމީ ޓީމުގެ ފުރަތަމަ އެގާރައިގައި އޭނާއަށް ޖާގަ ހޯދުމުގައި ދަތިތަކެއް ކުރިމަތިވެދާނެކަމުގެ ކަންބޮޑުވުން ވަނީ އުފެދިފައެވެ.

^{މެންޗެސްޓަރ ސިޓީގެ މިޑްފިލްޑަރު ފޯޑެން: އޭނާގެ ކުޅުމުގެ ފެންވަރު މިހާރު ވަރަށް ބޮޑަށް ދަށްވެއްޖެ.}

މިދިޔަ މޫސުމުގައި ޕީއެފްއޭ އަދި އެފްޑަބްލިއުއޭ ޕްލޭޔަރ އޮފް ދަ އިޔަރ އެވޯޑު ހޯދި ނަމަވެސް، މި މޫސުމުގައި ފޯޑެންގެ ކުޅުމުގެ ފެންވަރު ދަށްވެފައިވެއެވެ. މި މޫސުމުގައި އޭނާ އަށް ޖެހުނީ އެންމެ 10 ލަނޑެވެ.. އޭގެ ތެރެއިން 6 ލަނޑު ޖެހީ ޖެނުއަރީ މަހުގެ ކުރު މުއްދަތެއްގެ ތެރޭގައެވެ. އެސިސްޓްގެ އަދަދާއި ސިޓީގެ ކުޅުމުގައި އޭނާގެ ބައިވެރިވުން ވެސް ވަނީ މަދުވެފައެވެ.

ޖޭމީ ކެރަގަރ, އިއާން ރައިޓް އަދި ގެރީ ނެވިއްލެ ފަދަ އިންގްލެންޑުގެ ކުރީގެ ލެޖެންޑުން ފާހަގަކުރާ ގޮތުގައި ފޯޑެންގެ ކިބައިގައި އޭނާގެ ކެރިއަރުގައި ދެން އޮތް ފިޔަވަޅު އެޅުމަށް ބޭނުންވާ "ކިލަރ އިންސްޓިންކްޓް" ނެތެވެ. ސިޓީގެ ދުވަސްވީ ތަރިން މަޑުމަޑުން މަޑުޖެހެމުންދާއިރު، މިއީ ފޯޑެންގެ ވަގުތު ކަމުގައި ވާންޖެހެއެވެ. މިހާރު، ޕްރެޝަރު އިތުރުވަމުންދާއިރު، ފޯޑެން ވާންޖެހޭނީ މި ގޮންޖެހުމާ ކުރިމަތިލެވޭ މީހަކަށެވެ.

ފޯޑެންގެ ކުޅުމުގެ ފެންވަރު ދަށްވެފައިވާ އެއް ސަބަބަކަށް ވެދާނެ ކަމަކީ ވަރުބަލިކަމެވެ. މިދިޔަ ސީޒަނުގައި އޭނާ 4،200 މިނެޓަށްވުރެ ގިނަ ވަގުތު ކުޅެފައިވާއިރު، ޔޫރޯ ޗެމްޕިއަންޝިޕްގައި ވެސް އިނގިރޭސި ޓީމަށް ގިނަ މެޗުތަކެއްގައި ކުޅެފައިވެއެވެ. މި ބުރަ މަސައްކަތުގެ ސަބަބުން އޭނާއަށް ޖިސްމާނީ އަދި ނަފްސާނީ ގޮތުން އަސަރުކޮށްފައި ވުމަކީ އެކަށީގެންވާ ކަމެކެވެ.

2023 ވަނަ އަހަރުގެ ސެޕްޓެންބަރު މަހު ސްކޮޓްލެންޑާއި ދެކޮޅަށް އިނގިރޭސީން ކުޅުނު މެވުގައި ޖެހި ގޯލު ފިޔަވައި މިހާތަނަށް އިނގިރޭސި ޓީމަށް އެއްވެސް ލަނޑެއް ނުވަތަ އެސިސްޓެއް ދެވިފައެއް ނުވެއެވެ.

ފޯޑެންގެ ކުޅުމުގެ ފެންވަރު މި މޫސުމުގައި ދަށްވެފައިވާއިރު.، އޭނާއަށް ފުރަތަމަ އެގާރައިގައި ޖާގަ ލިބިފައިވަނީ ޕްރިމިއަރ ލީގުގެ 29 މެޗުގެ ތެރެއިން އެންމެ 18 މެޗުގައެވެ.