މެންޗެސްޓަރ ޔުނައިޓެޑުން ޢިމާރާތްކުރަން އިޢުލާންކުރި ސްޓޭޑިއަމްގެ “ޕްލޭން”. / ފޮޓޯ: މެންޔޫ.
އިނގިރޭސިވިލާތުގެ އެންމެ ބޮޑު ފުޓްބޯޅަ ދަނޑުގެ ޝަރަފް ލިބިފައިވާ މެންޗެސްޓާ ޔުނައިޓެޑުން، ޒަމާނީ 100،000 މީހުންގެ ޖާގައިގެ ދަނޑެއް އޯލްޑް ޓްރެފޯޑް ކައިރީގައި އަޅަން ރާވާފައިވާކަން އިޢުލާން ކޮށްފިއެވެ. މި މަޝްރޫއަށް 2 ބިލިއަން ޕައުންޑް ޚަރަދުވާނެ ކަމަށް ކޯއޯނަރު ސަރ ޖިމް ރެޓްކްލިފް ބުންޏެވެ. އޭރުން މިއީ ދުނިޔޭގެ އެންމެ މޮޅު ފުޓުބޯޅަ ދަނޑަށް ވާނެ ކަމަށް އޭނާ ބުންޏެވެ.
މެންޗެސްޓަރ ޔުނައިޓެޑުން ޢިމާރާތްކުރަން އިޢުލާންކުރި އައު ސްޓޭޑިއަމްގެ ކުރެހުމެއް. މި މަޝްރޫއަށް 2 ބިލިއަން ޕައުންޑް ޚަރަދުވާނެ. މަޝްރޫޢު ފެށޭނެ ދުވަހެއް އަދި އިޢުލާނެއް ނުކުރޭ. / ފޮޓޯ: މެންޔޫ.
މި އައު ދަނޑަކީ އިނގިރޭސިވިލާތުގެ “އޯލްޑް ޓްރެފޯޑް ރިޖެނެރޭޝަން މަޝްރޫއު” ގެ ބައެކެވެ. މިހާރުގެ ދަނޑަށް 115 އަހަރު ވެފައިވާއިރު އައު ސްޓޭޑިއަމް ހަދައި ނިމުމުން އޯލްޑް ޓްރެފޯޑް ތަޅާލުން އެކަށީގެންވެ އެވެ.
ރެޓްކްލިފް އުންމީދު ކުރަނީ ފަސް އަހަރު ތެރޭގައި އެތަން ނިންމާލެވޭނެ ކަމަށެވެ. ނަމަވެސް ކޮންސްޓްރަކްޝަން މަސައްކަތް ފަށާނެ ތާރީޚެއް އަދި އިޢުލާނެއް ނުކުރެއެވެ.
މެންޗެސްޓަރ ޔުނައިޓެޑުން ޢިމާރާތްކުރަން އިޢުލާންކުރި އައު ސްޓޭޑިއަމްގެ ކުރެހުމެއް. މި މަޝްރޫއަށް 2 ބިލިއަން ޕައުންޑް ޚަރަދުވާނެ. މަޝްރޫޢު ފެށޭނެ ދުވަހެއް އަދި އިޢުލާނެއް ނުކުރޭ. / ފޮޓޯ: މެންޔޫ.
މެންޗެސްޓާ ޔުނައިޓެޑްގެ ލެޖެންޑަރީ ކުރީގެ ކޯޗު ސަރ އެލެކްސް ފާގަސަން ވަނީ މިކަމަށް މަރުޙަބާ ކިޔާފައެވެ.
ފާގަސަން އަކީ 1986 އިން 2013 އަށް މެންޗެސްޓާ ޔުނައިޓެޑް މެނޭޖްކޮށް، 13 ޕްރިމިއާ ލީގު ތަށި، 2 ޗެމްޕިއަންސް ލީގު ތަށި، 5 އެފްއޭ ކަޕް، އަދިވެސް ވަރަށްނގިނަ ޝަރަފުތަކެއް ހޯދާފައިވާ ލެޖެންޑެކެވެ. އޭނާ ބ\ވަނީ “މުސްތަގުބަލަށް ފިޓް” ދަނޑެއް އެޅުމުގައި “ހިތްވަރުގަދަ” ކުރުމަށް އިލްތިމާސްކޮށްފައެވެ.
