މި އަންނަ ރޯދަ މަހު ކެފޭތަކާއި ފިހާރަތައް ހުޅުވާފައި ބެހެއްޓޭނެ ގަޑިތައް ސަރުކާރުން މިއަދު ކަނޑައަޅައިފިއެވެ.
އިކޮނޮމިކް މިނިސްޓްރީން ކުރި އިޢުލާނެއްގައި ބުނީ މި މަހުގެ 15 ވަނަ ދުވަހުން ފެށިގެން އަންނަ ރޯދަ މަހާއި ޝައްވާލް މަހުގެ ފުރަތަމަ ހަތް ދުވަހު، މުދާ ވިއްކާ ތަންތަން ނުވަތަ ފިހާރަތައް ހުޅުވާފައި ބެހެއްޓޭނެ ގަޑިއަކީ ފަތިހު 5:30 އިން މެންދަމު 1:00 އަށް ކަމަށެވެ.
އެހެންވެ، ރާއްޖޭގައި މީހުން ދިރިއުޅޭ ރަށްތަކުގައި ހިންގާ މުދާ ވިއްކާ ތަންތަނުން އެގޮތަށް ޢަމަލުކުރުމަށް މިނިސްޓްރީން ބުންޏެވެ.
Advertisement
މިނިސްޓްރީން ބުނީ:
- ރޯދަ މަހުގެ ރޭތަކުގައި ކެއިން ބުއިމުގެ ޚިދުމަތް ދޭ ތަންތަން ނުވަތަ ކެފޭތަކާއި ރެސްޓޯރެންޓުތައް ހުޅުވާފައި ބަހައްޓަން ވާނީ އެ ދުވަހެއްގެ ހަވީރު 5:30 އިން މެންދަމު 3:00 އާ ދެމެދުގައި ކަމަށް.
- ޝައްވާލް މަހުގެ ފުރަތަމަ ހަތް ދުވަހު ކެއިންބުއިމުގެ ޚިދުމަތް ދޭ ތަންތަން ހުޅުވާފައި ބަހައްޓަން ވާނީ އެ ދުވަހެއްގެ ފަތިހު 4:30 އިން މެންދަމު 3:00 އާ ދެމެދުގައި ކަމަށް.
އެހެންވެ، ރާއްޖޭގައި މީހުން ދިރިއުޅޭ ރަށްތަކުގައި ހިންގާ 24 ގަޑިއިރު ޚިދުމަތްދިނުމުގެ ހުއްދަ ދޫކުރެވިފައިވާ ތަންތަން ހިމެނޭ ގޮތަށް، ކެއިންބުއިމުގެ ޚިދުމަތް ދޭ ތަންތަނުން އެގޮތަށް ޢމަލުކުރުމަށް އެ އިޢުލާނުގައި ވަނީ ބުނެފައެވެ.
ރޯދަ މަހު ކެފޭތަކާއި ފިހާރަތައް ހުޅުވޭނެ ގަޑިތައް ކޮންމެ އަހަރަކު ވެސް ސަރުކާރުން ކަނޑައަޅައެވެ.
