ޔުއެފާ ޗެންޕިއަންސް ލީގުގެ ޕްލޭއޮފް ގުރުއަތުލުން ބޭއްވިއިރު، އެންމެ ފަހުގެ ޗެންޕިއަން ރިއަލް މެޑްރިޑާއި މެންޗެސްޓާ ސިޓީ ބައްދަލުކުރާ ގޮތަށް ހަމަޖެހިއްޖެއެވެ އެހެންކަމު ް. މި ދެ ޓީމުގެ ތެރެއިން އެއް ޓީމު ކަޓާނެއެވެ.

ލީގު ބުރުގައި ރިއަލް މެޑްރިޑް ނިމުނީ 11 ވަނައިގައި، އޮޓޮމެޓިކުން ކޮލިފައިވާ ސްޕޮޓަށްވުރެ އެއް ޕޮއިންޓް މަދުންނެވެ. ސިޓީ ވަނީ އެންމެ ފަހު މެޗުގައި ކްލަބް ބްރޫޖް އާ ދެކޮޅަށް 3-1 އިން މޮޅުވެ، 22 ވަނައިގައި ޕްލޭއޮފަށް ކޮލިފައިވެފައެވެ.

ފުރަތަމަ ލެގު ކުޅޭނީ ސިޓީގެ ދަނޑުގައެވެ. މި ދެ ޓީމު ކުރިން ބައްދަލުކުރި 12 މެޗުގެ ތެރެއިން ސިޓީ ވަނީ ހަތަރު މެޗުން މޮޅުވެފައެވެ (ފަސް މެޗުން އެއްވަރުވެ، ތިން މެޗުން ބަލިވެފައި). ނަމަވެސް ރިއަލް މެޑްރިޑުން ވަނީ ޗެންޕިއަންސް ލީގުގެ ނޮކްއައުޓް ބުރުތަކުގައި އިނގިރޭސި ކުލަބުތައް 13 ފަހަރު ބަލިކޮށްފައެވެ.

އައު ފޯމެޓުގެ ދަށުން، އެއް ގައުމެއްގެ ކުލަބުތައް ޕްލޭއޮފްގައި ބައްދަލުކުރެވޭނެއެވެ. މިގޮތުން ބްރެސްޓާއި ޕީއެސްޖީ ބައްދަލުކުރާނެއެވެ.

ޔުވެންޓަސް އާއި އޭސީ މިލާން ބައްދަލުކުރާނީ ޑަޗް ކުލަބުތަކާއެވެ. ޔުވެންޓަސް ކުޅޭނީ ޕީއެސްވީ އާ ދެކޮޅަށެވެ. އަދި މިލާން ކުޅޭނީ ފެޔެނޫޑާ ދެކޮޅަށެވެ.

ބަޔަން މިއުނިކް ކުޅޭނީ ސެލްޓިކާ ދެކޮޅަށެވެ. އަދި ބޮރޫސިއާ ޑޯޓްމަންޑް ކުޅޭނީ ސްޕޯޓިންގ ސީޕީ އާއި ދެކޮޅަށެވެ.

ކްލަބް ބްރޫޖް ކުޅޭނީ އެޓަލާންޓާ އާ ދެކޮޅަށެވެ. އަދި ބެންފީކާ ކުޅޭނީ މޮނާކޯ އާ ދެކޮޅަށެވެ.

ޕްލޭއޮފްގެ ފުރަތަމަ ލެގު ކުޅޭނީ ފެބްރުއަރީ 11/12 ގައެވެ. އަދި ދެވަނަ ލެގު ކުޅޭނީ ފެބްރުއަރީ 18/19 ގައެވެ. ފަހު 16 ގެ ބުރުގެ ގުރުއަތުލުން އޮންނާނީ ފެބްރުއަރީ 21 ގައެވެ.