ވ. ފުލިދޫ ކައިރީގައި އޮންނަ މަޝްހޫރު "ބޯމަސް ކަނޑު" ޑައިވް ސައިޓަށް ފީނަމުން ދިޔަ ޗައިނާގެ 7 މީހަކު ގެއްލިގެން ހޯދަމުން ދަނިކޮށް ސަލާމަތުން ތިއްބާ ފެނިއްޖެއެވެ.
ފުލުހުން މީޑިއާއަށް ފޮނުވި މެސެޖެއްގައި ބުނެފައިވާ ގޮތުގައި، މި 7 މީހުން ގެއްލިގެން ފުލުހުންނަށް ރިޕޯޓްކުރީ ހަވީރު 6:26 ގައެވެ.
އެމީހުން ފެނުނީ ގެއްލިގެން ރިޕޯޓްކުރިތާ ކުޑަ އިރުކޮޅެއްގެ ތެރޭގައި، ފުލިދޫ ލޯންޗަކަށެވެ.
ފުލުހުން ބުނީ އެންމެންގެ ހާލު ރަނގަޅު ކަމަށެވެ. އިތުރު ތަފްސީލެއް ނުދެއެވެ.
މި ސަރަޙައްދަކީ ފީނުމަށް މަޝްހޫރު ތަނަކަށްވުމާއެކު، ފަތުރުވެރިންގެ މެދުގައި ވަރަށް މަޤުބޫލު ތަނެކެވެ.
