ސަވީނިއޯ އާއި ހާލަންޑުގެ ގޯލްތަކުން ޕެޕް ގާޑިއޯލާގެ އިރުޝާދުގެ ދަށުން ކުޅުނު 500 ވަނަ މެޗުގައި ރޭ ސިޓީ މޮޅު ވެއްޖެއެވެ.
ރަށުން ބޭރުގައި ލެސްޓާ ސިޓީ އަތުން ސިޓީ މޮޅުވީ 0-2 ލަނޑުންނެވެ.
މިއީ ގާޑިއޯލާގެ ޓީމަށް ގޮންޖެހުންތަކެއް ކުރިމަތިވެ އެންމެ ފަހު 14 މެޗުން ލިބުނު ދެވަނަ މޮޅެވެ.
2016 ވަނަ އަހަރު ސިޓީއާ ގުޅުނު ފަހުން ގާޑިއޯލާ ވަނީ ޕްރިމިއާ ލީގުގެ ހަ ތަށި، ދެ އެފްއޭ ކަޕް، ހަތަރު އީއެފްއެލް ކަޕް، އަދި ޗެމްޕިއަންސް ލީގުގެ ކާމިޔާބީއެއް ހޯދައިފަ އެވެ. 355 މޮޅާއި %71 މޮޅުވުމުގެ ރޭޓާއެކު ގާޑިއޯލާ އަކީ ސިޓީގެ ތާރީޚުގެ ޔޫރަޕްގެ ގަދަ ފަސް ލީގުގައި އެންމެ ގިނައިން ސްކޯ ކޮށްފައިވާ ކޯޗެވެ. 2016-17 ވަނަ އަހަރުގެ ސީޒަން ފެށުނު ފަހުން ސިޓީން ވަނީ 1،213 ގޯލް ޖަހައިފަ އެވެ.
މި ކާމިޔާބީއާ އެކު ވެސް މި ސީޒަނުގައި ސިޓީއަށް ކުރިމަތިވި ދަތިތަކުގެ ސަބަބުން ސްކޮޑް ރިފްރެޝް ކޮށްލުމުގެ ބޭނުން ޖެހެ އެވެ. ދާދި ފަހުން ގާޑިއޯލާ އާ ކޮންޓްރެކްޓް އެއްގައި ސޮއިކުރިއިރު، އޭނާގެ އިރުޝާދުގެ ދަށުން އެހެން ޒަމާނަކާ މެދު ސަޕޯޓަރުން ތިބީ އުންމީދު ކޮށްގެންނެވެ.
