ޓީމުގެ މިހާރުގެ އުނދަގޫ ޙާލަތާއި ދަށްވެފައިވާ ނަތީޖާތަކަށް ބަދަލު އަންނާނެ ކަމުގެ އުންމީދު އެބައޮތް ކަމަށާއި، މާޔޫސް ނުވުމަށް ސަޕޯޓަރުންގެ ކިބައިން ގާޑިއޯލާ އެދިއްޖެއެވެ. އިނގިރޭސި ޕްރިމިއާ ލީގުގައި މާދަމާ އެވަޓަންއާ ދެކޮޅަށް ކުޅޭ މެޗުގެ ކުރިން ދިން އިންޓަވިއުއެއްގައި ގާޑިއޯލާ ބުނީ އެވަޓަންއަކީ އިދިކޮޅަށް ކުޅެން އުނދަގޫ، ވަރުގަދަ ޓީމެއް ކަމަށާއި މިވަގުތު އެންމެ މުހިންމީ ސިޓީ އަލުން ރަނގަޅު ފޯމަކަށް އައުން ކަމަށެވެ.

ރަނގަޅުވުމަށް ވަގުތު ނަގާނެ ނަމަވެސް، ގާޑިއޯލާ ބުނީ ރަނގަޅު ނަތީޖާތަކެއް ނެރެން އެވަޓަން މިހާރު އޮތީ ރަނގަޅު ރޫޙެއްގައި ކަމަށާއި ސިޓީގެ ނަތީޖާތަކާމެދު ހިތާމަކުރާ ކަމަށެވެ. ނަމަވެސް އުއްމީދު ގެއްލުވައިނުލާ ކަމަށާއި، ސަޕޯޓަރުން ޓީމާއެކު އެއް ރޫޙެއްގައި ތިބުމަށެވެ.

އެންމެ ފަހުން ކުޅުނު 12 މެޗުގެ ތެރެއިން އެންމެ މެޗަކުން މޮޅުވެ، ނުވަ މެޗުން ބަލިވެފައިވާއިރު، ސިޓީއަށް ލީގުގައި 17 މެޗުގެ ތެރެއިން މޮޅެއް ލިބުނީ އަށް މެޗުންނެވެ. ހަ މެޗުން ބަލިވިއިރު ތިން މެޗުން އެއްވަރު ވެފައި ވެއެވެ.

ސިޓީ މިވަގުތު އޮތީ ލީގު ތާވަލުގެ ހަތްވަނައިގައި 27 ޕޮއިންޓާއެކުއެވެ. އެއްވަނައިގައިވާ ލިވަޕޫލާ ދެމެދު 12 ޕޮއިންޓުގެ ފަރަގެއް އެބައޮތެވެ. މިއީ ގާޑިއޯލާގެ އިރުޝާދުގެ ދަށުން ސިޓީގެ ނަތީޖާތައް އެންމެ ދަށްވެފައިވާ ދުވަސްވަރެވެ. އެހެންނަމަވެސް، ގާޑިއޯލާ އުންމީދު ކުރަނީ ޓީމުގެ ޙާލަތު އަވަހަށް ރަނގަޅުވާނެ ކަމަށެވެ.