ޔޫރަޕުގެ ފުޓްބޯޅައިގެ އެންމެ މަތީ ފަންތީގެ މުބާރާތް، ޔުއެފާ ޗެމްޕިއަންސް ލީގުގައި ރޭ ކުޅުނު މެޗުތަކުގައި އާސެނަލް، ބާސެލޯނާ އަދި ޔުވެންޓަސް އިން ވަނީ އުފާވެރި ނަތީޖާތަކެއް ހޯދާފައެވެ.
އިނގިރޭސި ކްލަބް އާސެނަލް އިން އެމިރޭޓްސް ސްޓޭޑިއަމްގައި ފްރާންސްގެ މޮނާކޯ އާ ދެކޮޅަށް ކުޅުނު މެޗުގައި 3-0 އިން މޮޅުވިއިރު، މި މެޗުގައި ބުކާޔޯ ސަކާ ދެ ލަނޑު ޖެހިއެވެ. އަނެއް ގޯލު ޖަހައިދިނީ ކައި ހަވާޓްޒްއެވެ.
ސްޕެއިންގެ ބާސެލޯނާ މޮޅުވީ ޖަރުމަނުގެ ބޮރޫޝިއާ ޑޯޓްމަންޑް އާ ދެކޮޅަށް 3-2 ގެ ނަތީޖާއިންނެވެ.. ބާސާގެ ފެރާން ޓޮރޭޒް ދެ ލަނޑު ޖެހިއިރު، ފުރަތަމަ ގޯލު ޖަހައިދިނީ ރަފީނިއާ އެވެ. ޑޯޓްމަންޑްގެ ދެ ލަނޑު ވެސް ޖެހީ ސޭހޫ ގިރާސީ އެވެ.
އިޓަލީގެ ޔުވެންޓަސް އިން އަލިއާންޒް އެރީނާގައި އިނގިރޭސި ކްލަބް މެންޗެސްޓަރ ސިޓީ 2-0 އިން ބަލިކުރިއިރު. ޔުވެންޓަސްގެ ފުރަތަމަ ލަނޑު ޖެހީ ކެޕްޓަން ޑޫސާން ވްލާހޮވިޗް އެވެ. އޭނާ ބޮލުން ޖެހި ބޯޅަ ސިޓީގެ ގޯލްކީޕަރު އެޑަސަން މޮރާއެސްއައަތުން ދޫވެގެން ގޯލަށް ވަނެވެ. ދެވަނަ ލަނޑު ޖެހީ ވެސްޓެން މެކްކެނީ އެވެ. އޭނާ އެކްރޮބެޓިކް ގޮތަކަށް ޖެހި ވަރުގަދަ ޝޮޓަކުން ސިޓީގެ ދަނޑި ތަޅާލިއެވެ.
މި ވަގުތު ޗެމްޕިއަންސް ލީގުގެ ޕޮއިންޓް ތާވަލުގައި އެއްވަނައިގައި އޮތީ ހުރިހާ މެޗަކުން މޮޅުވެ 18 ޕޮއިންޓް ހޯދާފައިވާ ލިވަޕޫލް އެވެ. ދެވަނައިގައި އޮތީ 15 ޕޮއިންޓާއެކު ބާސެލޯނާ އެވެ.ޯނާ އެވެ. އާސެނަލް ވަނީ 13 ޕޮއިންޓާއެކު ތިންވަނައަށް އަރާފައެވެ. ޔުވެންޓަސް އޮތީ ޓަސް އޮތީ 11 ޕޮއިންޓާއެކު 14 ވަނައިގައެވެ. އަދި މެންޗެސްޓަރ ސިޓީ އޮތީ އަށް ޕޮއިންޓާއެކު 22 ވަނައިގައެވެ.
