ހުޅުމާލެ ފޭސް 1 ޕޮލިސް ސްޓޭޝަނުން އއ. މާޅޮސް، ބަނަފުސާގެ، ތައުލީމާ ހޯދުމުގެ މަސައްކަތް މިއަދު ފަށައިފިއެވެ. މި އަންހެން މީހާ ހޯދަނީ މަކަރާއި ހީލަތުގެ މައްސަލައެއްގައި ތަހުގީގަށް ހާޒިރުކުރުމަށް ކަމަށް ފުލުހުން މައުލޫމާތު ދީފިއެވެ.

ފުލުހުން ބުނާ ގޮތުގައި، ތައުލީމާ އުޅޭ ތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދު ނުކުރެވިގެން އޭނާ ހޯދަން ޖެހުނީއެވެ. އޭނާ މީހެއްގެ އަތުން މަކަރާއި ހީލަތުން ފައިސާ ނަގާފައިވާ ކަމަށް ތުހުމަތު ކުރެވޭ މައްސަލައެއްގެ ތަހުގީގަށް ހާޒިރުކުރަން ބޭނުންވާ ކަމަށް ފުލުހުން ހާމަކޮށްފައިވެއެވެ.

މި މަހުގެ 6 ވަނަ ދުވަހުގެ ހެނދުނު 10:00 އަށް ހުޅުމާލެ ފޭސް 1 ޕޮލިސް ސްޓޭޝަނަށް ހާޒިރުވުމަށް އަންގާފައިވާ ކަމަށް ފުލުހުން ބުނެއެވެ. އަދި އޭނާ އާ ގުޅޭ މައުލޫމާތު އެނގޭ ފަރާތްތަކުން ފުލުހުންނާ ހިއްސާކުރުމަށް އެދިފައިވެއެވެ.

މި މައްސަލައިގެ އިތުރު ތަފުސީލެއް ފުލުހުން ހާމަކޮށްފައެއް ނުވެއެވެ.