މޯލްޑިވްސް ބާސްކެޓްބޯލް އެސޯސިއޭޝަން (އެމްބީއޭ)ގެ އަސާސީ ގަވާއިދަށް ފަސް މުހިންމު ބަދަލެއް ގެނައުމަށް އެކްސްޓްރާ އޯޑިނަރީ ކޮންގްރެސްގައި ފާސްކޮށްފިއެވެ. މި ބަދަލުތަކުގެ ތެރޭގައި ކޮމިޓީތަކުގެ އޮނިގަނޑަށް ބަދަލު ގެނައުމާއި، އާ ދާއިމީ ކޮމިޓީއެއް އުފެއްދުން ހިމެނެއެވެ.
އެމްބީއޭގެ އެކްސްޓްރާ އޯޑިނަރީ ކޮންގްރެސްގައި މި ބަދަލުތައް ފާސްކޮށްފައިވަނީ ހާޒިރުވި 19 މެންބަރުންގެ ތެރެއިން 17 މެންބަރުންގެ ތާއީދާ އެކުގައެވެ. މި ބަދަލުތަކުގެ ތެރޭގައި އެސޯސިއޭޝަންގެ މެންބަރުންގެ ގިންތިތަކަށް ބަދަލުތަކެއް ގެނައުމާއި، ފުރިހަމަ މެންބަރެއްގެ ހައިސިއްޔަތު ލިބޭނެ ގޮތަށް ބަދަލު ގެނައުން ހިމެނެއެވެ.
މި ބަދަލުތަކުގެ ސަބަބުން އެމްބީއޭގެ ހިންގުން އިތުރަށް ހަރުދަނާވެ، ބާސްކެޓްބޯޅަ ކުޅުމުގެ ދާއިރާ ކުރިއަރައިގެންދާނެ ކަމަށް އުންމީދުކުރެވެއެވެ.
