ކާރެއްގެ ތެރެއިން 106 ފުޅި ބަނގުރާއާއެކު ހައްޔަރުކުރެވުނު ބިދޭސީއެއްގެ ބަންދު މުއްދަތު ކްރިމިނަލް ކޯޓުން އިތުރު 15 ދުވަހަށް އިތުރުކޮށްފިއެވެ.

ފުލުހުން މައުލޫމާތު ދީފަވާގޮތުގައި. މި މަހުގެ 12 ވަނަ ދުވަހުގެ ރޭ ދަންވަރު، ބޮޑުފުޅައްދޮށު ގޯޅިން ފުލުހުން ދަނިކޮށް، ކާރެއް ކައިރީގައި ތިބި ބަޔަކު ފުލުހުން ފެނުމާއެކު ފިލިއެވ.ެ ފުލުހުން އެ ކާރު ބަލައި ފާސްކުރުމުން 106 ފުޅި ބަނގުރާ ފެނުނުކަމަށް ފުލުހުން ބުންޏެވެ.

މި މައްސަލައާ ގުޅިގެން 30 އަހަރުގެ ބިދޭސީއެއް ކަމަށްވާ ރަސުލް އުލާ ރިދޯއީ ހައްޔަރުކުރެވުނެވެ. އޭނާގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން ފުރަތަމަ 15 ދުވަހަށް ބަންދުކުރުމަށް އަމުރުކުރެވުނު ކަމަށް ފުލުހުން ބުނެއެވެ. އެ މުއްދަތު ހަމަވުމާއި ގުޅިގެން އަނެއްކާވެސް ކޯޓަށް ހާޒިރުކުރުމުން އިތުރު 15 ދުވަހަށް ބަންދުކުރުމަށް ކޯޓުން ވަނީ އަމުރުކޮށްފައެވެ.

އެގޮތުން، ރަސުލް އުލާ ރިދޯއީ އަށް ތުހުމަތުކުރެވެނީ ގަވާއިދާ ޚިލާފަށް ބަނގުރާ ގެންގުޅެ، އޭގެ ވިޔަފާރިކުރި ކަމުގެ ކުށެވެ. ނަމަވެސް، ކޯޓަށް ހާޒިރުކުރެވުނު އިރު ރަސުލް ވަނީ މި ތުހުމަތަށް އިންކާރުކޮށްފައެވެ. އޭނާ ބުނި ގޮތުގައި އެ ކާރަށް އެރީ ހަމައެކަނި ދަތުރެއް ކުރުމަށް ކަމަށާއި، ކާރުގައި ބަނގުރާ ހުރިކަން ނޭނގޭ ކަމަށެވެ.

މި މައްސަލައިގައި ތަޙްޤީޤު ކުރިއަށްދާއިރު، ޤާނޫނާ ޚިލާފަށް ބަނގުރާ ވިއްކުމުގެ މައްސަލަތައް އިތުރުވަމުންދާކަން ފާހަގަކުރެވޭކަމަށާއި މިފަދަ މައްސަލަތައް ހުއްޓުވުމަށް ޚާއްޞަ ސަމާލުކަމެއް ދެމުންދާ ކަމަށް ފުލުހުން މައުލޫމާތު ދެއެވެ.