86،000 އަށް ވުރެ ގިނަ ވީޑިއޯ އާއި 241،000 ފޮޓޯ ހިމެނޭ 571 ޗެނަލް ފެނުމާ ގުޅިގެން އެތަކެތި ހިއްސާކުރާ ޓެލެގްރާމް ގްރޫޕްތަކުގެ މެމްބަރުން ދެނެގަނެ ދައުވާ ކުރުމުގެ ފުޅާ ތަހުގީގެއް މޯލްޑިވްސް ޕޮލިހުން ފަށައިފި އެވެ. 

ނޫސްވެރިންގެ ބައްދަލުވުމެއްގައި މިއަދު ހާމަކުރި ގޮތުގައި 34،680 ފަރާތަކުން މި ޗެނަލްތަކަށް ވަދެފައިވާއިރު އޭގެ ތެރޭގައި ކުޑަކުދިންގެ ޗައިލްޑް ސެކްޝުއަލް އެބިއުޒް މެޓީރިއަލް (ސީސޭމް) ހިމެނޭ 43 ޗެނަލެއް ހުރިކަމަށް ބުނެފަ އެވެ. 

ތިން މީހަކު ހައްޔަރުކޮށްފައިވާއިރު، އެކަމުގައި ބައިވެރިވި މީހުންގެ މައްޗަށް ގާނޫނީ ދައުވާ އުފުލުމަށް ޕީޖީއާއެކު މަޝްވަރާތައް ދަނީ ކުރަމުންނެވެ. 

އެންމެ ގިނައިން ސަބްސްކްރައިބް ކުރި ޗެނަލްގައި 3،323 މެމްބަރުން ތިބިއިރު، މުޅި ޕްލެޓްފޯމްގައި ދިހަހާސް ސާފު ތަސްވީރުތަކާއި ވީޑިއޯތައް ހިއްސާކޮށްފައިވެ އެވެ. މި ގަވާއިދާ ހިލާފު ނެޓްވޯކްތައް ރޫޅާލައި، އެކަމުގައި އުޅުނު މީހުންނަށް ހައްގު އަދަބު ދިނުމަށް މަސައްކަތްކުރާއިރު، ފުލުހުން ބުނީ ބަރަހަނާ ފޮޓޯއާއި ވީޑިއޯ ހިމެނޭ ޓެލެގްރާމް ގްރޫޕްތަކަށް ވަދެ ތިބޭ މީހުން ދެނެގަނެ އެ މީހުންނާމެދުވެސް ފިޔަވަޅު އަޅާނެކަމަށެވެ. އެހެންކަމަށް ވަނީނަމަ، މިމައްސަލައިގައި އެތައް ހާސް ބަޔަކު ހިމެނޭނެއެވެ.