އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ ދެއްކެވި ވާހަކަތަކުގެ ސަބަބުން ސަލާމަތާއި ހަމަޖެހުން ނުލިބޭނެ ކަމަށް ފަލަސްތީނު އޮތޯރިޓީގެ ރައީސް މަހުމޫދު އައްބާސްގެ ތަރުޖަމާނު ނަބީލް އަބޫ ރުދައިނާ ވިދާޅުވެއްޖެ އެވެ.

އޭނާ ފާހަގަކުރެއްވި ގޮތުގައި ސުލްހައާއި ރައްކާތެރިކަން ހޯދުމަށް އޮތް ހަމައެކަނި ގޮތަކީ ބައިނަލްއަގްވާމީ ޝަރުއީ ދާއިރާގެ ތެރެއިންނާއި ފަލަސްތީނުގެ ރައްޔިތުންނަށް މިނިވަން ދައުލަތެއް ގާއިމްކުރުމުގެ ހައްގު ގަބޫލުކުރުމެވެ.

އޭނާ އިތުރަށް ވިދާޅުވީ ރަފާހުން ފެށިގެން ޖެނިންއާ ހަމައަށް ފަލަސްތީނުގެ ރައްޔިތުންނާ ދެކޮޅަށް އެމެރިކާގެ ތާއީދު އޮންނަ އިސްރާއީލުން ކުރާ އަނިޔާތައް ކުރިއަށް ގެންދިއުމުން އެ ސަރަހައްދު އިތުރަށް ވާނީ ނުރައްކާ ކަމަށާއި، އެފަދަ ހާލަތަކަށް ގޮސްފި ނަމަ ސަރަހައްދީ ނުވަތަ ބައިނަލްއަގްވާމީ އެއްވެސް މަސައްކަތެއް ކާމިޔާބު ނުވާނެ ކަމަށެވެ. މުހައްލިލުން ގަބޫލުކުރާ ގޮތުގައި ތަރުޖަމާނު އެ ވިދާޅުވީ މެދުއިރުމަތީގެ ހާލަތު އިތުރަށް ގޯސްވެ އެންމެފަހުން އަރަބި ގައުމުތައް އިސްރާއީލާއި ދެކޮޅަށް ތެދުވާން ޖެހިއްޖެ ހާލަތެއް އަތުވެއްޖެނަމަ އެކަމެއް ނުހުއްޓުވޭނެ ވާހަކައެވެ.

ރައީސްގެ ތަރުޖަމާނު ވިދާޅުވީ ހިސާރުކުރުމުގެ އަސްލު އަމާޒަކީ ގުދުސްގެ ސްޓޭޓަސް އާއި ގައުމީ އައިޑެންޓިޓީ ބަދަލުކޮށްލުން ކަމަށެވެ.

އިސްރާއީލާއި ފަލަސްތީނު އޮތޯރިޓީ (ޕީއޭ) އާއި ދެމެދު އޮންނަ ގުޅުމަށް ބަލާލާއިރު، ޕީއޭ އުފެއްދީ 1994 ވަނަ އަހަރު އިސްރާއީލާއި ފަލަސްތީނުގެ މައްސަލަ ހައްލުކުރުމުގެ މަގުސަދުގައި އިސްރާއީލާއި ފަލަސްތީނު ލިބަރޭޝަން އޮގަނައިޒޭޝަން (ޕީއެލްއޯ) އާއި ދެމެދު ވެވުނު ސުލްހައިގެ އެއްބަސްވުމެއްގެ ދަށުންނެވެ. މި އެއްބަސްވުންތަކުގެ ތެރެއިން ، އިންތިހާބު ކާމިޔާބުކުރި ހަމާސް އަކީ ފަލަސްތީނުގެ ސަރުކާރު ކަމަށް ބަލައިނުގަންނަން އިޒްރޭލާއިއެކު ޕީއޭ ބައިއަތު ހިފިއެވެ. ސަބަބަކީ ހަމާސް އަކީ އިސްރާއީލަށް ފަލަސްތީނުގެ ފަސްގަނޑުން އެންމެ އިންޗިއެއް ވެސް ދިނުމާއިމެދު ދެކޮޅުހަދާ ޖަމާއަތަކަށް ވާތީއެވެ. އިސްރާއީލުން ޕީއޭއަށް މާލީ އެހީއާއި ސަލާމަތީ ކޯޑިނޭޝަން ފޯރުކޮށްދެއެވެ.