އެންމެ ފަހުން މުބާރާތް ބޭއްވި ގަތަރާއި ސްވިޒަލޭންޑް ބައްދަލުކުރި ފޯރިގަދަ މެޗު 1-1 އިން އެއްވަރުވެގެން ނިމިއްޖެއެވެ.

ދުނިޔޭގެ އެންމެ ބޮޑު ފުޓްބޯޅަ މުބާރާތުގެ ފުރަތަމަ މެޗުގައި ގަތަރުގެ މައްޗަށް ސްވިޒަލޭންޑުން ކުރިހޯދީ ވަރަށް ވާދަވެރި ކުޅުމަކަށް ފަހުގައެވެ.

މެޗުގެ ފުރަތަމަ ލަނޑު 17 ވަނަ މިނެޓުގައި ލިބުނު ޕެނަލްޓީއަކުން ކާމިޔާބުކުރީ ސުވިޒާލޭންޑުންނެވެ. މި ލަނޑު ކާމިޔާބުކޮށްދިނީ ލިބުނު ބްރީލް އެމްބޯލޯއެވެ.

ގިނަ ވަގުތު ބޯޅަ ހިފަހައްޓައިގެން ކުޅުނު ސުވިޒަލޭންޑުން މި މެޗުގައި 26 ހަމަލާ އުފެއްދިއިރު ގަތަރަށް ފޮނުވާލެވުނީ އެންމެ 7 ހަމަލާއެވެ.

ގަތަރުން އުންމީދު ކަނޑާނުލައި ކުރި މަސައްކަތް ކާމިޔާބުވީ މެޗުގެ ފުރިހަމަ ވަގުތު ހަމަވެ، އިތުރަށް ދެއްކި 6 މިނެޓުގެ ތެރޭގައެވެ. މެޗުގެ 94 ވަނަ މިނެޓުގައި ގަތަރަށް ނަތީޖާ ހަމަހަމަކޮށްދިނީ އެ ޓީމުގެ ތަޖުރިބާކާރު ކުޅުންތެރިޔާ ބޫލަމް ހޫކީއެވެ. އޭނާގެ މި ލަނޑާއެކު މުޅި ސްޓޭޑިއަމް އުފާވެރިކަމުން ގުގުމާލިއެވެ.

މި ނަތީޖާއާއެކު މި ގްރޫޕުގައި މިހާތަނަށް ކުޅުނު ދެ މެޗު ވެސް މިވަނީ އެއްވަރުވެފައެވެ. އެގޮތުން ބޮސްނިއާ އާއި ކެނެޑާ ރޭ ކުޅުނު މެޗު ވެސް ނިމިފައިވަނީ 1-1 އިން އެއްވަރުވެގެންނެވެ.

މިރޭ ދެން އޮންނާނީ ގްރޫޕް ސްޓޭޖުގެ އެންމެ ފޯރިގަދަ އެއް މެޗު ކަމަށްވާ ބްރެޒިލް އާއި މޮރޯކޯ ބައްދަލުކުރާ މެޗެވެ. މި މެޗު ފަށާނީ ރާއްޖެ ގަޑިން 03:00 ގައެވެ.