މިއަހަރުގެ ވޯލްޑް ކަޕަށް ފޯރިގަދަކުރުމުގެ ގޮތުން، "ޚުލާސާ" އިން ހާއްސަ ފެންޓަސީ ލީގެއް މިއަދު އާންމުކޮށް ހުޅުވާލައިފިއެވެ. މި ލީގުން އެއްވަނަ ހޯދާ ފަރާތަކަށް 5000 ރުފިޔާގެ ފައިސާގެ އިނާމެއް ދިނުމަށް ވަނީ ނިންމާފައެވެ.

ޚުލާސާ އިން މައުލޫމާތު ދޭ ގޮތުގައި، މި ފެންޓަސީ ލީގުގައި ބައިވެރިވާ ފަރާތްތަކުގެ ތެރެއިން އިނާމަށް ޝަރުތު ހަމަވާނީ ވަކި ކަންތައްތަކެއް ފުރިހަމަކުރުމުންނެވެ. އެގޮތުން ޚުލާސާގެ އިންސްޓަގްރާމް އެކައުންޓަށް ފޮލޯކުރުމާއެކު، ފެންޓަސީ ލީގާ ގުޅޭ ޕޯސްޓު އިންސްޓަގްރާމް ސްޓޯރީއަށް ލައި، ޚުލާސާ ޓެގް ކުރަން ޖެހޭނެއެވެ.

މި ލީގުގައި ބައިވެރިވުމަށް ފުރަތަމަ ފީފާގެ ރަސްމީ ފެންޓަސީ ވެބްސައިޓް (https://play.fifa.com/fantasy) މެދުވެރިކޮށް ސައިން އަޕް ވާންޖެހޭނެއެވެ. އެއަށްފަހު، ޚުލާސާގެ ލީގާ ގުޅުމަށް ބޭނުންކުރާނީ "1NQ34PMZ" މި ކޯޑެވެ.

ލީގުން އެއްވަނައަށް ދާ ފަރާތަށް ދޭ 5000 ރުފިޔާގެ އިނާމު، ވޯލްޑް ކަޕް ނިމޭތާ 7 ދުވަސްތެރޭ ހަވާލުކުރެވޭނެ ކަމަށް ޚުލާސާ އިން ބުނެއެވެ.

މިއަހަރުގެ ވޯލްޑް ކަޕް ފެށުމުގެ ރަސްމިއްޔާތަށްފަހު، މުބާރާތުގެ ފުރަތަމަ މެޗު ކުޅުމަށް ހަމަޖެހިފައިވަނީ މިރޭ މެންދަމު 00:00 ގައެވެ. މި މެޗުގައި ބައްދަލުކުރާނީ މުބާރާތް ބާއްވާ ގައުމުތަކުގެ ތެރޭގައި ހިމެނޭ މެކްސިކޯ އާއި ސައުތު އެފްރިކާއެވެ.

ފެންޓަސީ ކުޅުންތެރިންނަށް މިއީ ފައިސާގެ އިނާމެއް ހޯދުމަށް ލިބޭ ރަނގަޅު ފުރުސަތެކެވެ. އަވަހަށް ޓީމު އެކުލަވާލައި ޚުލާސާގެ ލީގާ ގުޅިވަޑައިގަންނަވާށެވެ!