ދުނިޔޭގެ ޓެކްނޮލޮޖީގެ މައިދާނުގައި ފާހަގަކޮށްލެވޭ ޗައިނާގެ ބޮޑެތި ކުންފުނިތަކުން މިހާރު ހޮންކޮންގުގައި ފައިތިލަ ސާބިތުކުރުމަށް ބާރު ސްޕީޑެއްގައި މަސައްކަތް ކުރަމުން އެބަދެ އެވެ. ރިޕޯޓުތައް ބުނާ ގޮތުގައި މި ބަދަލު އަންނަން ފަށާފައިވަނީ ދުނިޔޭގެ ސިޔާސީ އަދި އިގްތިސާދީ މަސްރަހަށް އަންނަމުންދާ ބަދަލުތަކާ ގުޅިގެން، ބައިނަލްއަޤްވާމީ މާކެޓަށް ނިކުތުމަށް އޮތް އެންމެ ފަހި ފުރުސަތަކީ ހޮންކޮންގް ކަމަށް އެ ކުންފުނިތަކަށް ގަބޫލުކުރެވޭތީޗ އެވެ.

މި މަސައްކަތުގައި މައިގަނޑު ގޮތެއްގައި އުޅެނީ ޗައިނާގެ މެއިންލޭންޑަށް ނިސްބަތްވާ އާޓިފިޝަލް އިންޓެލިޖެންސް، ސެމީކޮންޑަކްޓާ އަދި ކްލައުޑް ކޮމްޕިއުޓިންގް ފަދަ ޒަމާނީ ޓެކްނޮލޮޖީގެ ދާއިރާތަކުގައި ހަރަކާތްތެރިވާ ކުންފުނިތަކެވެ. މި ކުންފުނިތަކުން ދަނީ ހޮންކޮންގުގެ ސައިންސް ޕާކާއި ސައިބަރޕޯޓް ފަދަ ސަރަހައްދުތަކުގައި އެމީހުންގެ އޮފީސްތަކާއި، ރީސާޗް އެންޑް ޑިވެލޮޕްމަންޓް ސެންޓަރުތައް ބިނާކުރަމުންނެވެ. ފަހަކަށް އައިސް މި ދުވެލި ވަނީ ވަރަށް ބޮޑަށް އަވަސްވެފަ އެވެ.

މި ބަދަލު އަންނަން ދިމާވި މައިގަނޑު ސަބަބުތަކަށް ބަލާއިރު، އެންމެ މުހިންމު ކަމަކީ ޖިއޯޕޮލިޓިކަލް ނުތަނަވަސްކަމެވެ. އެމެރިކާ އާއި ޗައިނާއާ ދެމެދު އޮތް ވިޔަފާރީގެ ހަނގުރާމައާއި، އެމެރިކާއިން ޗައިނާގެ ޓެކް ކުންފުނިތަކަށް އަޅާފައިވާ ދަތިކުރުމުގެ ފިޔަވަޅުތަކުން ސަލާމަތްވުމަށް ހޮންކޮންގަކީ ރައްކާތެރި މަރުކަޒަކަށް ވެ އެވެ. މީގެ އިތުރުން، ހޮންކޮންގުގައި އޮންނަ އިނގިރޭސި 'ކޮމަން ލޯ' ނިޒާމާއި، ބޭރު ފައިސާގެ މުއާމަލާތްތަކަށް އޮންނަ މިނިވަންކަމުގެ ސަބަބުން ބައިނަލްއަގުވާމީ އިންވެސްޓަރުންގެ އިތުބާރު ހޯދަން އެ ކުންފުނިތަކަށް ފަސޭހަވެ އެވެ.

ހޮންކޮންގް ސަރުކާރުން ވެސް ދަނީ ޓެކްނޮލޮޖީގެ ދާއިރާއަށް އަމާޒުކޮށްގެން ގިނަ މާލީ އެހީތަކާއި ޓެކްސްގެ ލުއިތަކެއް ދެމުންނެވެ. މިއީ ޗައިނާގެ މެއިންލޭންޑާ ގާތްކޮށް އޮވެމެ، ދުނިޔޭގެ އެހެން ގައުމުތަކަށް ވިޔަފާރި ފުޅާކުރުމަށް ލިބޭ އެންމެ އެކަށީގެންވާ "ގޭޓްވޭ" ކަމުގައި އެ ކުންފުނިތަކުން ދެކެ އެވެ.

މި ބަދަލާއެކު ހޮންކޮންގް ވެގެންދާނީ ދުނިޔޭގެ ޓެކްނޮލޮޖީގެ އެންމެ ބޮޑު އެއް މަރުކަޒަށެވެ. މިއީ ޗައިނާގެ ކުންފުނިތަކުން ހުޅަނގުގެ ފިއްތުންތަކާ ދެކޮޅަށް ރާވަމުންދާ ވަރުގަދަ އިސްތިރާތީޖީ ފިޔަވަޅެއްގެ ގޮތުގައި އިގްތިސާދީ މާހިރުން ސިފަކުރެއެވެ.