ލުބުނާނުގެ ދެކުނުގެ ސަރަހައްދުތަކަށް އެއްގަމު މަގުން އަރައިގަނެ، ހަމަލާތައް ވަރުގަދަކުރަމުންދާ އިސްރާއީލު ސިފައިންގެ ތެރެއިން ހަތަރު މީހަކު މަރާލައިފި ކަމަށް އިސްރާއީލު ސިފައިން އެއްބަސްވެއްޖެއެވެ.

އިސްރާއީލުގެ އަސްކަރިއްޔާއިން ހާމަކޮށްފައިވާ ގޮތުގައި، މި ސިފައިން މަރުވެފައިވަނީ ލުބުނާނުގެ ދެކުނުގެ އެތެރެއަށް ވަދެގަތުމަށް މަސައްކަތް ކުރަމުންދަނިކޮށް ހިނގި ވަރުގަދަ ކުރިމަތިލުންތަކެއްގައެވެ.

ލުބުނާނުގެ ދެކުނުގެ އަވަށެއްގައި ހިނގި މި ކުރިމަތިލުމުގައި އިތުރު ސިފައިންތަކެއް ޒަޚަމްވެފައިވާ ކަމަށްވެސް ރިޕޯޓްތައް ބުނެއެވެ. އިސްރާއީލުން ލުބުނާނަށް ދެމުންދާ ހަމަލާތައް ފުޅާކޮށް، އެ ގައުމުގެ އެތެރެއަށް ސިފައިން ފޮނުވަމުންދަނީ ހިޒްބުﷲގެ މަރުކަޒުތައް ނައްތާލުމުގެ ނަމުގައެވެ. ނަމަވެސް މި ހަމަލާތަކުގެ ސަބަބުން ލުބުނާނުގެ އާންމު ރައްޔިތުންނަށް ބޮޑެތި ގެއްލުންތަކެއް ލިބި، އެތައް ބަޔަކު ވަނީ ޝަހީދުވެފައެވެ.

އިސްރާއީލުން ލުބުނާނުގެ ސިޔާދަތީ މިނިވަންކަމަށް އަރައިގަނެ ހިންގަމުންދާ މި އުދުވާނަކީ ބައިނަލްއަގުވާމީ ގާނޫނުތަކާ ޚިލާފަށް ހިންގާ އަމަލުތަކެއް ކަމަށް ބުނެ ގިނަ ގައުމުތަކަކުން ދަނީ އެކަން ކުށްވެރިކުރަމުންނެވެ. އިސްރާއީލު ސިފައިންނަށް ލިބެމުންދާ މިފަދަ ގެއްލުންތަކަކީ ލުބުނާނުގެ މިނިވަންކަމަށްޓަކައި ކުރާ މަސައްކަތުގެ ތެރެއިން ކުރިމަތިވަމުންދާ ހުރަސްތަކެއްގެ ގޮތުގައި މަސްރަހު ދިރާސާކުރާ ފަރާތްތަކުން ސިފަކުރެއެވެ.

މި ހަމަލާތަކާ ގުޅިގެން މެދުއިރުމަތީގެ މަސްރަހު އިތުރަށް ގޯސްވެ، ސަރަހައްދީ ހަނގުރާމައެއް ފެށިދާނެ ކަމުގެ ބިރު ވަނީ ބޮޑުވެފައެވެ.