ތެލުގެ އަގު ބޮޑުވަމުންދާ މައްސަލައަށް ހައްލެއް ހޯދައިދިނުމުގެ ގޮތުން، އޮސްޓްރޭލިއާގެ ދެސްޓޭޓަކުން ރައްޔިތުންނަށް ހިލޭ ޕަބްލިކް ޓްރާންސްޕޯޓް ފޯރުކޮށްދިނުމަށް ނިންމައިފިއެވެ.
މި ނިންމުން ނިންމާފައިވަނީ މެދުއިރުމަތީގައި ހިނގަމުންދާ ހަނގުރާމައިގެ ސަބަބުން ދުނިޔޭގެ ބާޒާރުގައި ތެލުގެ އަގު ހަލުވިކަމާ އެކު ބޮޑުވަމުންދާ ދަނޑިވަޅެއްގައެވެ. ތެލުގެ އަގު ބޮޑުވުމާ ގުޅިގެން ދިރިއުޅުމުގެ ހަރަދު އިތުރުވެ، އާންމު ރައްޔިތުންގެ ދިރިއުޅުމަށް ބޮޑެތި ދަތިތަކެއް ކުރިމަތިވަމުންދާ ކަމަށް ރިޕޯޓްތައް ބުނެއެވެ.
ބީބީސީން ރިޕޯޓްކޮށްފައިވާ ގޮތުގައި، ހިލޭ ޕަބްލިކް ޓްރާންސްޕޯޓްގެ ހިދުމަތް ތައާރަފްކޮށްފައިވަނީ ރައްޔިތުން އަމިއްލަ އުޅަނދުތަކުގައި ދަތުރުކުރުން މަދުކޮށް، ޕަބްލިކް ޓްރާންސްޕޯޓަށް ބަދަލުވުމަށް ހިތްވަރު ދިނުމުގެ ބޭނުމުގައެވެ. މިގޮތަށް ކަންތައް ކުރެވިއްޖެ ނަމަ، ތެލަށް ކުރާ ހޭދަ ކުޑަވެ، ތިމާވެއްޓަށް ކުރާ ގެއްލުންވެސް ކުޑަވެގެންދާނެ ކަމަށް ކަމާ ބެހޭ ފަރާތްތަކުން ވިދާޅުވެއެވެ.
Advertisement
މި ހިދުމަތް ތައާރަފްކޮށްފައިވަނީ ވަކި މުއްދަތަކަށް ކަމަށްވެއެވެ، ތެލުގެ ހާލަތަށް ބަދަލު އަންނަ ގޮތަކުން ކުރިއަށް ދިއުމާ މެދު ގޮތް ނިންމާނެ ކަމަށް ވެސް ރިޕޯޓްތައް ފާހަގަކުރެއެވެ.
މި ފަދަ ފިޔަވަޅުތައް އެޅުމަކީ ސަރުކާރު ތަކަށް ރަނގަޅު ނަމޫނާ އެކެވެ.
