މެދުއިރުމަތީގައި މިހާރު ހިނގަމުންދާ ހަނގުރާމައިގެ ސަބަބުން ދުނިޔޭގެ ހަކަތަ ފޯރުކޮށްދިނުމަށް ނުރައްކާވެދާނެ ކަމުގެ ބިރު ބޮޑުވަމުން އަންނަ ދަނޑިވަޅުގައި ޔޫރަޕުގައި ގުދުރަތީ ގޭހުގެ އަގު 1000 ކިއުބިކް މީޓަރު 700 ޑޮލަރަށް ވުރެ މައްޗަށް މިއަދު އަރައިފިއެވެ. މިއީ 2023 ވަނަ އަހަރަށް ފަހު ފުރަތަމަ ފަހަރަށް މިހާ ބޮޑަށް އުފުލުނު ފަހަރެވެ.
އިއްޔެ ވެސް ޔޫރަޕްގައި ގޭހުގެ އަގުތައް މިހާވަރަޖަށް ނާރައެވެ. އެމެރިކާ އާއި ޒައެނިސްޓުން އީރާނަށް ޙަމަލާ ދިން އިރު ވެސް ޔޫރަޕުގައި 1،000 ކިއުބިކް މީޓަރަކަށް ދައްކަން ޖެހެނީ 450 ވަރަކަށް ޑޮލަރެވެ.
ޔޫރަޕަށް މިއީ އަދިވެސް ފިނި މޫސުމެވެ. އެހެންކަމުން ގޭގެ ހޫނުކުރުމަށާއި ކަރަންޓް އުފެއްދުމަށް ގުދުރަތީ ގޭސް ބޭނުންކުރާ މިންވަރު މިދުވަސްވަރު އިތުރެވެ.
ތަޖުރިބާކާރުން އިންޒާރު ދޭ ގޮތުގައި މުޅި ސަރަހައްދުގައި ހަނގުރާމަ ފެތުރެމުންދާނަމަ، 2022 ގައި ރަޝިއާ އިން ޔުކްރޭނަށް އެރުމުން ޔޫރަޕުގެ ގޭހުގެ އަގު މައްޗަށް އެރި މިންވަރަށް އަނެއްކާ ވެސް ބަދަލުވުމ8ގެ ބިރު އެބައޮތެވެ. އޭރު އެމްސްޓަޑަމްގައި 1،000 ކިއުބިކް މީޓަރަކަށް ދައްކަން ޖެހުނީ 3،500–3،800 ޑޮލަރެވެ.
