ފަހަކަށް އައިސް ރާއްޖެ އަންނަ ފަތުރުވެރިންގެ އަދަދުތައް އިތުރުވަމުންދާ ނަމަވެސް، މި އަހަރުގެ މިހާތަނަށް ބައިނަލްއަޤްވާމީ ކްރޫޒް ލައިނަރުތަކުގައި އައިސްފައި ވަނީ އެންމެ 1،056 ކްރޫޒް ޓޫރިސްޓުން ކަމަށާއި، ރާއްޖެ އަށް ކްރޫޒް ލައިނާތަކުގައި އަންނަ ޓޫރިސްޓުންނަށް ދިމާވެފައިވާ އެންމެ ބޮޑު ގޮންޖެހުމަކީ ޓުއަރިޒަމް މިނިސްޓްރީގެ ފަރާތުން އެކަށީގެންވާ ޚިދުމަތް ނުދެވުން ކަމަށް ދާއިރާގެ އޮޕަރޭޓަރުން ބުނެފިއެވެ.
މިއަހަރުގެ ކުރީކޮޅު މިނިސްޓްރީ އޮފް ޓޫރިޒަމް އިން ބުނި ގޮތުގައި ފަތުރުވެރިން އަންނަ މިންވަރު އިތުރުވެފައިވާއިރު، ޖެނުއަރީ މަހުގެ ނިޔަލަށް 143،000 އަށް ވުރެ ގިނަ ޓޫރިސްޓުން ރާއްޖެ އައެވެ. އެއީ މިދިޔަ އަހަރަށްވުރެ 8.3 އިންސައިތައިގެ އިތުރުވުމެކެވެ.
އެހެންނަމަވެސް އިންޑަސްޓްރީ އޮޕަރޭޓަރުން ބުނާ ގޮތުގައި ކްރޫޒްލައިނާތަކަށް އެކަށީގެންވާ ބަނދަރެއް ނެތް ތަނުގައި މާލެއަށް ފައިބާ ފަތުރުވެރިން ފާޚާނާ ކޮށްލަން ބަލާއިރު، “އެ ތަންތަނުން ދުވާ ނުބައި ވަހުން ޓޫރިސްޓުންނަކަށް ނުކެރޭ ވަންނާކަށް.. އެހާ މުޑުދާރު… އެކަމަކު ފުލައިޓެއް އަންނަންޏާ މިނިސްޓްރީ އިން ވަރަށް ފޯރި ހުންނާނެ… އިވެންޓުތައް ބާއްވައި ސީދާ އެއާޕޯޓަށް ޓޫރިސްޓުން ރިސީވް ކުރަން މިނިސްޓަރު ވެސް އެބަ ވަޑައިގަނޭ.. އެކަމަކު ކްރޫޒް ޝިޕެއް މާލެ އަށް ބަނދަރު ކުރާއިރު މިނިސްޓްރީގެ ފަރާތުން މި މަންޒަރެއް ނުފެނޭ… މިވަރުން ދާނަމަ މިކަން ހުއްޓޭނެ. މިހާރު ވެސް ބައްލަވާލައްވާ ތަފާސްހިސާބު. 2017 އިން ފެށިގެން އައިސްފައިވާ މީހުންގެ ޢަދަދުތައް…”
Advertisement
ކްރޫޒް ޓޫރިސްޓް އެރައިވަލްސް (2017–2024)
- 2017: 320،000 ކްރޫޒް ޓޫރިސްޓުން
- 2018: 380،000 ކްރޫޒް ޓޫރިސްޓުން
- 2019: 450،000 ކްރޫޒް ޓޫރިސްޓުން
- 2020: 120،000 ކްރޫޒް ޓޫރިސްޓުން (ކޮވިޑް-19ގެ އަސަރުތައް)
- 2021: 0 ކްރޫޒް ޓޫރިސްޓުން (ކްރޫޒް އެރައިވަލްސް ސުމެއް)
- 2022: 40،000 ކްރޫޒް ޓޫރިސްޓުން
- 2023: 220،000 ކްރޫޒް ޓޫރިސްޓުން
- 2024: 300،000 ކްރޫޒް ޓޫރިސްޓުން
އޭނާ ވިދާޅުވީ ކްރޫޒް ޝިޕުން މާލެއަށް ފައިބާން ވެސް މި ޖެހެނީ ނުލާހިކު ދަތިކޮށް ކަމަށާއި މިއީ ސީދާ މާލޭގައި ބަނދަރު ކުރަން ބޭނުންވާ ކްރޫޒް ލައިނަރުންނަށް އޮތް ބޮޑު ހުރަހެއް ކަމަށެވެ.
އިންޑަސްޓްރީގެ ތަޖުރިބާކާރަކު ވިދާޅުވީ ކްރޫޒްޝިޕްތަކުގައި ޓުރިސްޓުން ރާއްޖެ އަންނަން ޖެހޭ ހާއްސަ ކަމެއް މިހާރަކު ނެތް ކަމަށާއި، ރާއްޖޭގެ ޙާލަތު އޮތީ މީގެ 51 އަހަރު ކުރިން ޔޫކޭގެ ކިއުނާޑް ލައިން ކުންފުނީގެ ކްރޫޒް ޝިޕެއް ކަމަށްވާ “ފްރާންކޯނިއާ” ރާއްޖޭގައި ބަނދަރުކުރި އިރު ޚިދުމަތް ދިން ފެންވަރަށް ވުރެ ދަށް ފެންވަރެއްގައި ކަމަށެވެ. “އޭރު ނުނަގާ މިހާރަކު މި ނަގާ ފީތަކެއް… އޭރުގަ ރައްޔިތުން ތިބޭ މަރްޙަބާ ކިޔަން ބަނދަރުމައްޗަށް ނުކުމެ. މިހާރަކު ނެތް މިއިން ކަމެއްވެސް.. މިކަމުގެ ފައިދާ މި ނަގަނީ ލަންކާ އާއި އިންޑިއާ އަދި ސީޝެލްސް ފަދަ ތަންތަނުން”.
އިންޑަސްޓްރީގައި މަސައްކަތްކުރައްވާ ފަރާތްތަކުން ބުނާ ގޮތުގައި ކްރޫޒް ޝިޕެއް އިންޑިއާ އަށް ނުވަތަ ލަންކާ އަށް މިހާރު ވެސް ކައިރިކުރާ ނަމަ އެމީހުންނަށް ހީވަނީ ޢީދެއް އައިސްގެން އުޅޭ ހެންނެވެ. އެހާވެސް ޚިދުމަތް ރަނގަޅެވެ.
ނަމަވެސް ރާއްޖެ އަންނަ ކްރޫޒް ޝިޕްތަކުން ޓުރިސްޓުން ފައިބާ އެއްނަމްބަރު ފާލަމަށް ކައިރިކުރިޔަސް 240000 އެމްޓީސީސީ އަށް ދައްކަން ޖެހޭ ކަމަށާއި އަދި ބޯޓު އޮންނާތީ ވެސް ފީ ދައްކަން ޖެހޭ ކަމަށާއި، ނަމަވެސް، ފައިބާ ޓޫރިސްޓުން މޫނު ދޮވެލަން ނުވަތަ ފާޚާނާ ކޮށްލާނެ ތަނެއްވެސް ނެތް އިރު، ގްލޯބަލް ކްރޫޒް ޓޫރިޒަމް ކުރިއަރަމުންދާއިރު، މިރާއްޖޭގައި މިކަން ނުކުރެވިދާނެ ކަމުގެ ބިރު އެބައޮތް ކަމަށާއި ރާއްޖެ އަށް އޮތީ ނާކާމިޔާބު ކަމުގައި ވިދާޅުވިއެވެ.
