2026ގެ ވޯލްޑް ގަވާމެންޓް ސަމިޓަށް ރާއްޖޭގެ ފޮރިން މިނިސްޓަރު ޑރ. އަބްދުﷲ ހަލީލް ޔުނައިޓެޑް އެރެބް އެމިރޭޓްސް (ޔޫ.އޭ.އީ)ގެ ދުބާއީ އަށް ރަސްމީ ދަތުރު ފުޅެއްގައި ފުރާވަޑައިގެންފި އެވެ. 

ފޮރިން މިނިސްޓްރީން ބުނެފައިވާގޮތުގައި ފޮރިން މިނިސްޓަރުގެ މިދަތުރުފުޅުގެ މައިގަނޑު މަގްސަދަކީ ވޯލްޑް ގަވަމެންޓްސް ސަމިޓްގައި ބައިވެރިވެ ވަޑައިގަތުން ކަމަށެވެ.

ވޯލްޑް ގަވަމެންޓްސް ސަމިޓަކީ ޔޫއޭއީ ގެ ނައިބު ރައީސް، ބޮޑުވަޒީރު އަދި ދުބާއީގެ ވެރިޔާ މުހައްމަދު ބިން ރާޝިދު އަލް މަކްތޫމް ކޮންމެ އަހަރަކުވެސް ބާއްވަމުން އަންނަ ސަމިޓެކެވެ. މިއަހަރުގެ ސަމިޓަކީ "ޝޭޕިން ފިއުޗާ ގަވާމެންޓްސް" މި ޝިއާރުގެ ދަށުން ބާއްވާ ސަމިޓެކެވެ. މިއީ ބައިނަލްއަގުވާމީ ފެންވަރުގައި ގުޅުން ބަދަހިކޮށް، ޕާޓްނަޝިޕްތައް އިތުރަށް ހަރުދަނާ ކުރުމަށް މުހިންމު ޕްލެޓްފޯމެކެވެ.

މިއަހަރު ރާއްޖޭގެ ވަފުދުގައި ފޮރިން މިނިސްޓަރުގެ އިތުރުން ސަރުކާރުގެ އެކި މުއައްސަސާތަކުގެ އިސްވެރިން ބައިވެރިވެ ވަޑައިގަންނަވާނެ ކަމަށް ފޮރިން މިނިސްޓްރީން މައުލޫމާތު ދީފައިވެ އެވެ. އޭގެ އިތުރުން ވޯލްޑް ގަވާންމަންޓްސް ސަމިޓްގައި ރާއްޖެއިން ބައިވެރިވާ ވަފުދުގައި ހިމެނި ވަޑައިގަންނަވާ ބޭފުޅުންގެ ތެރޭގައި ދިވެހި ރާއްޖެ އަށް ޔޫއޭއީ އިން ކަނޑައަޅުއްވާފައި ހުންނަވާ ސަފީރު، މުހައްމަދު ހުސައިން ޝަރީފް ހިމެނެ އެވެ.

އަދި ދިވެހިރާއްޖެއިން ޔޫއޭއީ އަށް ކަނޑައަޅުއްވާފައި ހުންނަވާ ސަފީރުގެ ނައިބު ހަސާން ވަހީދްގެ އިތުރުން މިނިސްޓްރީ އޮފް ފޮރިން އެފެއާޒްގެ އެސިސްޓެންޓް ޑިރެކްޓަުރ އާއިޝަތު ލީން ފަޒީހް މި ސަމިޓްގައި ބައިވެރިވެ ވަޑައިގަންނަވާނެ އެވެ.