ދުނިޔޭގެ ފުރަތަމަ އުދުހޭ ކާރު ފެކްޓްރީގައި އަޖުމަ ބެލުމުގެ ގޮތުން ކާރު އުފެއްދުމުގެ މަސައްކަތް ޗައިނާގައި ފަށައިފިއެވެ.

ޗައިނާ އިން އުފެއްދި އުދުހޭ ކާރު ޑުބާގައި ދައްކާލާފައި ވާއިރު، މިހާރުވެސް 600 އަށް ވުރެ ގިނަ އޯޑަރު ޗައިނާ އަށް ލިބިފައި ވެއެވެ.

އުދުހޭ ކާރެއް އެންމެ ފުރަތަމަ އުފެއްދީ އެމެރިކާގެ މީހަކު ކަމުގައި ވިޔަސް، ، ޗައިނާއިން މިކަމަށްޓަކައި 120،000 އަކަމީޓަރުގެ ފުޅާ ފެކްޓަރީ އެއް ހަދައި މަސައްކަތް ފަށާފައިވާއިރު، ފުރަތަމަ އުފައްދާނީ އަހަރަކު 5،000 ޔުނިޓް ކަމަށް އެ ޤައުމުން ބުނެއެވެ.

ޗައިނާއިން ބުނީ ކޮންމެ 30 މިނެޓަކުން އުދުހޭ އެއްކާރު އެސެމްބްލް ކުރެވޭނެ ކަމަށާއި، އަހަރަކު 10،000 ޔުނިޓް އަށް ފުޅާކުރުމުގެ ޕްލޭނެއް ރާވާފައިވާ ކަމަށެވެ.

ޗައިނާ އިން ވަނީ މިއަހަރުގެ ކުރީކޮޅު އެމެރިކާގެ ބޮޑެތި އޮޓޯ އަދި ޓެކްނޮލޮޖީ އެކްސްޕޯތަކުގައި އުދުހޭ ކާރު ދައްކާލާފައެވެ. އެއީ މަގުމަތީގައި ވެސް ދުއްވޭ ގޮތަށް ފަރުމާ ކޮށްފައިވާ އުދުހޭ ކާރެކެވެ.

ޗައިނާގެ އަމާޒަކީ ކުރިޔަށް އޮތް ދެއަހަރުތެރޭ އުދުހޭ ކާރުތައް ވިޔަފާރި އުޞޫލުން އުފެއްދުމެވެ.