މިހާރު ކުރަމުންދާ ވިއްސާރައިގެ ސަބަބުން ދިވެހި ސަރުކާރު މިއަދު ބަންދު ކަމުގައި ވިޔަސް، ރަސްމީ ދުވަސްތަކޭ ވެސް އެއްފަދައިން މިއަދު ވެސް ޕާސްޕޯޓުގެ ޚިދުމަތް ލިބޭނެ ކަމަށް މޯލްޑިވްސް އިމިގްރޭޝަނުން ބުނެފިއެވެ.

އިމިގްރޭޝަނުން ކުރެއްވި އެކްސްގައި ވަނީ ޕާސްޕޯޓް ދޫކުރާނީ ކުރިއެކޭވެސް އެއްގޮތަށް ރަސްމީ ބަންދު ނޫން ދުވަސްތަކުގެ ގަޑިތަކާއި އެއްގޮތަށް ކަމަށެވެ. މި ޒަރޫރީ ޚިދުމަތް ދެމެހެއްޓުމަށް ނިންމީ ރާއްޖެއަށް ބޯކޮށް ވާރޭވެހި، އެކަމުގެ ސަބަބުން ފުޅާދާއިރާއެއްގައި ބުރޫ އަރާ ދަނޑިވަޅެއްގައެވެ.+  

"(14 އޮގަސްޓް 2024 ވާ ބުދަ) އަކީ ސަރުކާރު ބަންދު ދުވަހެއްކަމުގައި ވީނަމަވެސް، ދިވެހި ޕާސްޕޯޓުގެ ޚިދުމަތް، ރަސްމީ ބަންދު ނޫން ދުވަސްތަކުގެ ގަޑިތަކާއި އެއްގޮތަށް ލިބިލައްވާނެ ވާހަކަ މަޢުލޫމާތަށްޓަކައި ދަންނަވަމެވެ. އެގޮތުން، ޕާސްޕޯޓަށް އެދި އިމުގާ ޕޯޓަލް މެދުވެރިކޮށް 24 ގަޑިއިރު ހުޅަހެޅޭނެއެވެ. އަދި ޕާސްޕޯޓާ ހަވާލުވުމަށް ނަންބަރު ދޫކުރުން ކިއުބީ މެދުވެރިކޮށް، ހެނދުނު 08:30 އިން ހަވީރު 05:00 އަށް ކުރިއަށް ދާނެއެވެ." އިމިގްރޭޝަނުން ކުރެއްވި އެކްސްގައި ވެއެވެ.

ދިވެހި ސަރުކާރުން ވަނީ ރާއްޖޭގެ ގިނަ ސަރަހައްދުތަކަށް މޫސުން ގޯސްވެ، އާންމު ދިރިއުޅުމަށް ދަތިވެފައިވާތީ މިއަދަކީ ރަސްމީ ބަންދު ދުވަހެއްގެ ގޮތުގައި ކަނޑައަޅާފަ އެވެ. 

މިހާރު ހިނގަމުންދާ މޫސުމީ ދަތިކަމާ ގައުމު ކުރިމަތިލާއިރު، ޕާސްޕޯޓްގެ ހިދުމަތް ކުރިއަށް ގެންދިއުމަށް ނިންމުމަކީ ގައުމީ ކުއްލި ހާލަތްތަކުގައި ވެސް ރައްޔިތުންނަށް ޒަރޫރީ ހިދުމަތްތައް ލިބޭނެ ގޮތް ހެދުމަށް ސަރުކާރުން ކުރާ މަސައްކަތަށް އަލިއަޅުވާލާ ކަމެކެވެ.