އެސްޓަން ވިލާ އަތުން ޓޮޓެންހަމް ޖެހިޖެހިގެން ތިން މެޗުން ބަލިވެއްޖެ

އިނގިރޭސީ ޕްރިމިއާ ލީގުގައި އެސްޓަން ވިލާ އަތުން ބަލިވެ ޓޮޓެންހަމަށް ތިން ޕޮއިންޓް ގެއްލި ތާވަލުގެ ހަ ވަނައަށް ވެއްޓިއްޖެ އެވެ.

ޓޮޓެންހަމްގެ ދަނޑުގައި ކުޅުނު މި މެޗުގައި އެސްޓަން ވިލާ 1-2 އިން މޮޅުވެފައިވަނީ ފަހަތުން އަރަ އެވެ. މެޗުގެ ފުރަތަމަ ގޯލު ފަސް ވަނަ މިނެޓުގައި ޓޮޓެންހަމަށް ކާމިޔާބުކޮށްދިނީ ބެންޓަންކުރް އެވެ. އޭނާ މި ގޯލު ޖަހާފައިވަނީ މުހައްމަދު ކުޑުސް ނަގައިދިން ކްރޮހަކުން ޕަލިންހާ ބޮލުން ތަނަވަސްކޮށްދިން ފުރުސަތަކުންނެވެ.

37 ވަނަ މިނެޓުގައި ރޮޖާސް ވަނީ އޭރިއާ ބޭރުން ގޯލަށް ވައްދާލާ އެސްޓަން ވިލާ އަށް ނަތީޖާ ހަމަހަމަކޮށްދީފަ އެވެ. އަދި 77 ވަނަ މިނެޓުގައި ބުއެންޑިއާ ވަނީ ގޯލެއް ޖަހައި އެސްޓަން ވިލާ މޮޅުކޮށްދީފަ އެވެ. މި ގޯލު ވެސް ޖަހާފައިވަނީ އޭރިއާ ބޭރުން ޑިގްނޭ ގެ އެހީތެރިކަމާއެކުގަ އެވެ.

މި ބައްޔާއެކު މި އަހަރު މި ދެ ޓީމު ބައްދަލުކުރި ތިން މެޗު ވެސް އެސްޓަން ވިލާ މިވަނީ ކާމިޔާބުކޮށްފަ އެވެ. އެފް-އޭ ކަޕުގައި ފެބްރުއަރީ މަހު ކުޅުނު މެޗު 1-2 އަކުން މޮޅުވެފައިވާއިރު، މެއި މަހުގައި ޕްރިމިއާ ލީގުގެ މެޗު 0-2 ގެ ނަތީޖާއިން އެސްޓަން ވިލާ ވަނީ މޮޅުވެފަ އެވެ.

މިރޭގެ މޮޅާއެކު އެސްޓަންވިލާ ވަނީ ތާވަލުގެ 11 ވަނައަށް އަށް ޖެހިލާފަ އެވެ.