Kabul ge eki hisaabuthakugai bomb aai badeege hamalaathakeh!

ޚުލާސާ

އަފްޣާނިސްތާނުގެ ވެރިރަށް ކާބުލްގެ އެކި ހިސާބުތަކުގައި ބަޑީގެ ޙަމަލާތަކެއް ދީފި ކަމަށާއި ބާރުގަދަ ދެ ބޮން ވެސް ގޮއްވާލާފައިވާ ކަމަށް ޚަބަރު ލިބިއްޖެ. މީހަކު މަރުވިކަމެއް ކަށަވަރުނުވޭ.

ޠާލިބާނުން ވެރިކަން ކުރަމުންދާ އަފްޣާނިސްތާނުގެ ވެރިރަށް ކާބުލްގެ ދެ ސަރަޙައްދެއްގައި މީގެ އިރުކޮޅެއް ކުރިން ދެ ބޮން ގޮއްވާލާފައިވާ ކަމަށާއި އެ ސިޓިގެ އެކި ހިސާބުތަކުން ބަޑީގެ ޙަމަލާތަކުގެ އަޑު ވެސް އިވެމުންދާ ކަމަށް ޚަބަރުތައް ބުނެއެވެ.

މިއީ ޓެރަރިސްޓް ޖަމާޢަތަކުން ދެމުންދާ ޙަމަލާތަކެއް ކަމެއް ވެސް އަދި ކަށަވަރު ނުވާއިރު، ލިބުނު ގެއްލުންތަކުގެ ތަފްޞީލެއް ވެސް އަދި ނުލިބެއެވެ.

އަފްޣާނިސްތާނުގެ ބައެއް ފަރާތްތަކާއި ޙަވާލާދީ ބޭރުގެ މީޑިއާއަކުން ބުނީ އެ ސިޓިއަށް ދިނީ ވައިގެ ޙަމަލާއެއް ކަމަށް ބެލެވޭ ކަމަށެވެ.