މެޗުގެ 73 ވަނަ މިނެޓުގައި ވަގު ޕެންލަޓީއެއް ހޯދައިގެން މޮޅުވާން މަސައްކަތް ކުރި އެންމެ ފަހުގެ ޗެމްޕިއަން ބާސެލޯނާ، ސެވިއްޔާ އަތުން 1-4 ގެ ނަތީޖާއިން މޮޅުވެ ތާވަލުގެ ދެވަނައަށް ވެއްޓިއްޖެ އެވެ.
މެޗުގެ ފުރަތަމަ ގޯލު ވެސް ޖަހާފައިވަނީ ސެވިއްޔާއިންނެވެ. 13 ވަނަ މިނެޓުގައި ލިބުނު ޕެނަލްޓީއެއްގައި ސެވިއްޔާގެ ގޯލު ޖަހާފައިވަނީ އެލެކްސިސް ސަންޗޭޒެވެ. ސެވިއްޔާގެ ދެވަނަ ގޯލު 36 ވަނަ މިނެޓުގައި ރުބެސް ވާގަސްގެ އެހީގައި ޖަހާފައިވަނީ އިސަކް ރޮމޭރޯ އެވެ.
ބާސެލޯނާގެ ހަމައެކަނި ގޯލު ފުރަތަމަ ހާފު ނިމެން މިނެޓަކަށް ވެފައިވަނިކޮށް ޖަހާފައިވަނީ ރަޝްފޯޑެވެ. ޕެޑްރީ މަތިން އެއްލާލި ބޯޅަ ރަޝްފޯޑުގެ ވާތު ފައިން ވައްދާލީ ވޮލީއެކެވެ. މެޗު އެއްވަރު ކުރަން ރަނުގެ ފުރުސަތެއް ބާސެލޯނާއަށް ލިބުނެވެ. ނަމަވެސް 76 ވަނަ މިނެޓުގައި ލިބުނު ޕެނަލްޓީ ސެވިއްޔާގެ ކީޕަރު ވަނީ ދިފާއުކޮށްފައެވެ. މި ޕެނަލްޓީ ޖަހާފައިވަނީ ލެވަނޑޯސްކީ އެވެ.
މެޗުގެ 90 ވަނަ މިނެޓުގައި ސެވިއްޔާގެ ހޯސޭ އެންޖަލް ކަރްމޯނާ ވަނީ ތިން ވަނަ ގޯލު ޖަހައިދީފައެވެ. އަދި މެޗު ނިމެން ދެ މިނެޓަށް ވެފައިވަނިކޮށް އަކޯ އެޑަމްސް ވަނީ ހަތަރު ވަނަ ގޯލެއް ޖަހައި ބާސެލޯނާ ރަށުން ބޭރުކޮށްލާފައެވެ.
މި މޮޅާއެކު ސެވިއްޔާ މިވަނީ 13 ޕޮއިންޓާއެކު ތާވަލުގެ ހަތަރު ވަނައަށް ޖެހިލާފައެވެ. ބާސެލޯނާގެ މި ބައްޔާއެކު ވާދަވެރި ރިއަލް މެޑްރިޑް ވަނީ އަނެއްކާވެސް ތާވަލުގެ އެއްވަނައަށް ޖެހިލާފައެވެ.
