އިނގިރޭސީ ޕްރިމިއަރ ލީގުގައި ސަންދަރލޭންޑް އަތުން 0-2 ގެ ނަތީޖާއިން މޮޅުވެ މެންޗެސްޓަތ ޔުނައިޓުގެ ކޯޗު ރުބެން އަމޮރިމް އެވަރުގެ އުފަލެއް ނެތި ފޮނިކަނޑަން ފަށައިފި އެވެ.
އަމިއްލަ ދަނޑުގައި ޔުނައިޓެޑް މޮޅުވެފައިވާއިރު ލީގުގައި ކުޅުނު ހަތް މެޗުން އެ ކުލަބު މޮޅުވެފައިވަނީ ތިން މެޗުންނެވެ. ނިމިދިޔަ ހަފްތާގައި ބްރެންޓްފޯޑު އަތުން އެ ކުލަބު ވަނީ 1-3 އިން ބަލިވެފަ އެވެ.
ޔުނައިޓެޑުގެ އައު ކީޕަރާއެކު ކުޅުނު މި މެޗުގައި ގޯލުތައް ޖަހާފައިވަނީ ފުރަތަމަ ހާފުގައެވެ. މެޗުގެ އަށް ވަނަ މިނެޓުގައި މައުންޓް އެމްބޫމޯގެ އެހީތެރިކަމާއެކު މޭސަން މައުންޓް ގޯލު ޖަހާފައިވާއިރު، ޔުނައިޓެޑަށް ހިތްހަމަޖެހުމެއް ލިބުނީ 31 ވަނަ މިނެޓުގައި ބެންޖަމިން ސެސްކޯ ޖެހި ގޯލާއެކުގައެވެ.
ޔުނައިޓެޑަށް ލިބުނު މި މޮޅާއެކު ކޯޗު އަމޮރިމް އަށް އެ ކުލަބުގައި ހުރެވޭނެ ކަމުގެ އިތުރު ފުރުސަތެއް ހުޅުވުނީ އެވެ. ކުލަބުގެ ސަޕޯޓަރުން އޭނާ ބޭރުކުރަން އަތުކުރި އޮޅާލާ ކިތަންމެ ވަރަކަށް އަޑުއުފުލިޔަސް ދޭތެރެ ދޭތެރެއިން ހޯދާ މިކަހަލަ މޮޅުތަކުގެ ސަބަބުން އެ ސަޕޯޓަރުންގެ މަސައްކަތަށް ބުރޫ އަރައެވެ.
އަންނަ ހަފްތާގައި ޔުނައިޓެޑް ބައްދަލުކުރާނީ ލިވަޕޫލާއެވެ. އެއް އަދަދަކަށް ލީގު ހޯދާފައިވާ މި ދެ ކުލަބުގެ މެޗުގައި ވާދަވެރި ކުޅުމެއް ފެނިގެންދާނެ އެވެ.
