ސައޫދީ ސުޕަރ ކަޕުގެ ފައިނަލުގައި ޕެނަލްޓީ ޖަހައި 3-5 ގެ ނަތީޖާއިން ބަލިވެ އަލް-ނަސްރު ހުސްއަތާ މި ސީޒަން ނިންމާލަން ޖެހިއްޖެއެވެ.

90 މިނެޓު ހަމަވެ އިތުރު ވަގުތުގެ ދެ ހާފު ނިމުނުއިރު 2-2 އިން އެއްވަރުވެފައިވާއިރު ނަސްރުގެ ގޯލްތައް ޖަހާފައިވަނީ ލިބުނު ޕެނަލްޓީއެއްގައި ރޮނާލްޑޯގެ އިތުރުން ބްރޮޒޮވިޗެވެ. މިއީ ރޮނާލްޑޯ އަލް-ނަސްރަށް ކާމިޔާބުކޮށްދިން 100 ވަނަ ގޯލެވެ. އަލް އަހްލީގެ ގޯލުތައް ކާމިޔާބުކުރީ ކެސީއާއި އިބަނޭޒެވެ.

ނަތީޖާ ނެރުމަށް ޖެހި ޕެނަލްޓީ ޝޫޓްއައުޓުގައި އަލް-ނަސްރަށް ނާކާމިޔާބުވި ޕެނަލްޓީ ޖަހާފައިވަނީ އަބްދުﷲ އަލް-ހައިބަރީއެވެ. މި ޕެނަލްޓީ އަހްލީގެ ކީޕަރު އެޑުއާޑް މެންޑީ ވަނީ މަތަކޮށްފައެވެ.

ސެމީ ފައިނަލުގައި ދެއްކި ރަތް ކާޑެއްގެ ސަބަބުން ނަސްރުގެ އެންމެ މުހިންމު އެއް ކުޅުންތެރިޔާ ކަމަށްވާ ސާޑިއޯ މާނޭ ފައިނަލް މެޗުގައި ކުޅެފައެވެ ނުވެއެވެ. މާނޭ އަށް މި މެޗު ގެއްލުމަކީ ނަސްރަށް ދިމާވި ބޮޑު ގޮންޖެހުމެކެވެ.

މި ބައްޔާއެކު ނަސްރަށް މި ސީޒަނުގައި އެއްވެސް މުބާރާތެއް ކާމިޔާބުކުރެވިފައެއް ނުވެއެވެ. ލީގު އެ ކުލަބު ނިންމާލަން ޖެހުނީ ތިން ވަނައިގައެވެ.

_{އަލް-ނަސްރާއެކު ރޮނާލްޑޯ މި ސީޒަން ނިންމާލަން ޖެހުނީ ހުސްއަތާ.}

މި ތައްޓާއެކު މިއީ އަލް-އަހްލީ މި މުބާރާތުގެ ތަށި އުފުލާލި ދެވަނަ ފަހަރެވެ. މި މުބާރާތް އެންމެ ގިނަ ފަހަރު ކާމިޔާބުކުރީ އަލް-ހިލާލެވެ. ހިލާލުން މި މުބާރާތް ފަސް ފަހަރު ކާމިޔާބުކޮށްފައިވާއިރު އަލް-ނަސްރަށް ކާމިޔާބުކުރެވުނީ ދެ ފަހަރެވެ. އަދި އަލް-އިތިހާދަށް ކާމިޔާބުކުރެވުނީ އެއްފަހަރު އެވެ.