ބްރެޒިލްގެ ޤައުމީ ފުޓްބޯޅަ ޓީމުގެ އާ ކޯޗު ކާލޯ އެންޗެލޮޓީ އޭނާގެ ފުރަތަމަ ތަމްރީނު ސެޝަން މުހިންމު ބައެއް ކުޅުންތެރިންނާއި ނުލައި ކުރިއަށް ގެންގޮސްފިއެވެ. ޓެރެސޯޕޮލިސްގައި ހުންނަ ގްރަންޖާ ކޮމާރީގައި ބޭއްވި މި ތަމްރީނަކީ އިކުއަޑޯއާ ދެކޮޅަށް ކުޅޭ ވޯލްޑް ކަޕް ކޮލިފައިންގ މެޗަށް ތައްޔާރުވުމުގެ ގޮތުން ބޭއްވި ތަމްރީނެކެވެ.

މި ތަމްރީނުގައި ބައިވެރިނުވާ މުހިންމު ކުޅުންތެރިންގެ ތެރޭގައި މާކުއިންހޯސް، ބެރަލްޑޯ އަދި ކާލޯސް އަގުސްޓޯ ފަދަ ކުޅުންތެރިން ހިމެނެއެވެ. އަދި އެސްޓޭވާއޯ، ލިއޯ އޯޓިޒް، ޑަނީލޯ، އެލެކްސް ސަންޑްރޯ އަދި ގެސަން ވެސް ބައިވެރި ނުވެއެވެ. މިކުޅުންތެރިން ދެން އޮންނަ ސެޝަނުގައި ބައިވެރިވާނެ ކަމަށް ބްރެޒިލްގެ މީޑިއާތަކުން ބުނެއެވެ. މިކުޅުންތެރިން ބައިވެރި ނުވީ ޗެމްޕިއަންސް ލީގު ފައިނަލް މެޗާއި ޑޮމެސްޓިކް ލީގުގައި ކުޅުމުގެ ސަބަބުންނެވެ.

ވިނީސިއަސް ޖޫނިއަރ މި ތަމްރީނުގައި ބައިވެރިވިއެވެ. ނަމަވެސް ނޭމާ މި ތަމްރީނުގައި ބައިވެރިނުވިއެވެ. އޭނާ މިވަގުތު ދަނީ އަނިޔާއިން އަރައިގަންނަމުންނެވެ.

އެންޗެލޮޓީގެ ފުރަތަމަ މެޗު އޮންނާނީ އިކުއަޑޯއާ ދެކޮޅަށެވެ. މިއީ 2026 ވަނަ އަހަރުގެ ވޯލްޑް ކަޕަށް ކޮލިފައިވުމަށް ކުޅޭ މެޗެކެވެ.