އަނިޔާގެ ސަބަބުން މުހިންމު ކުޅުންތެރިން ބޭރުގައި

ޔޫރަޕްގެ އެންމެ މަތީ ލީގުތަކުގައި ކުޅޭ ނަންހިނގާ ގިނަ ކުޅުންތެރިންނަށް ވަނީ ފަހަކަށް އައިސް އަނިޔާތަކެއް ވެފައެވެ. މިކަމުގެ ސަބަބުން އެ ކުޅުންތެރިން ނިސްބަތްވާ ޓީމުތަކަށް އެކަމު ބޮޑެތި އަސަރުތަކެއް ކުރަމުންދެއެވެ.

މެންޗެސްޓަރ ސިޓީގެ ގޯލު ޖަހާ އާލިންގ ހާލަންޑަށް ވަނީ އެފްއޭ ކަޕްގެ ކުއާޓަރ ފައިނަލްގައި ބޯންމަތާ ދެކޮޅަށް ކުޅުނު މެޗުގައި ވާތު ތަނބިކަށްޓަށް އަނިޔާއެއް ވެފައެވެ. މެޗުގެ 60 ވަނަ މިނެޓުގައި ލުއިސް ކުކްގެ ޓެކުލްއަކުން އަނިޔާވި ހާލަންޑް ވަނީ ދަނޑުން ބޭރަށް ނެރެފައެވެ. އޭނާގެ އަނިޔާގެ ތަފްސީލެއް ނުލިބޭއިރު އޭނާ މިހާރު އުޅެނީ ދެއަތުން ދެ އަސާގަނޑުގައި ހިފަހައްޓައިގެންމެވެ. ތަނބިކަށީގައި އުޅެނީ ގާޑެއް އަޅުވައިގެންނެވެ..

^{ރޭގެ އިންޖަރީއަށްފަހު މިހާރު ހާލަންޑު އުޅޭ ގޮތް މިފޮޓޯއިން މިހިރީ ފެންނަން: ފޮޓޯ: ސޯޝަލްމީޑިއާ}

ރިއަލް މެޑްރިޑްގެ ބްރެޒިލް ޑިފެންޑަރު އެޑަރ މިލިޓާއޯ އަށް ވަނީ 2023-24 ވަނަ އަހަރުގެ ލަ ލީގާގެ ފުރަތަމަ މެޗުގައި ބޮޑު އަނިޔާއެއްވެ ވާތު ކަކުލުގެ އޭސީއެލް ކެނޑިފައެވެ. މިއީ އެތްލެޓިކް ބިލްބާއޯ އާ ދެކޮޅަށް 12 އޯގަސްޓު 2023 ގައި ކުޅުނު މެޗެކެވެ. މި އަނިޔާގެ ސަބަބުން އޭނާ ވަނީ މުޅި ސީޒަނުގައު ބޭރުގައި ހުންނަންޖެހިފައެވެ. އޭނާ ރަނގަޅުވާނެ ކަމަށް ލަފާކުރެވެނީ 9 މަސް ދުވަހުގެ ތެރޭގައެވެ.

^{ޒުވާން މިލިޓާއޯ އަށް ލިބުނު އަނިޔާއަކީ ބޮޑު އަނިޔާއެއް. އެކަމުގެ އަސަރު ރިއަލްމެޑްރިޑަށް ވަނީ ކޮށްފައި.}

އެތްލެޓިކް ބިލްބާއޯގެ އެޓޭކިންގ މިޑްފީލްޑަރު އޮއިހާން ވަނީ މިވަގުތު އަނިޔާއެއްގެ ސަބަބުން ބޭރުގައެވެ. ހމަ އެހެންމެ އެޓީމުގެ ޑާނީ ވިވިއަން އަށް ވެސް ވަނީ އަނިޔާވެފައެވެ. މިކަމުގެ ސަބަބުން އެ ދެ ޓީމަށް ވެސް ވަނީ އިތުރު ދަތިތަކާ ކުރިމަތިވެފައެވެ.

ރިއަލް މެޑްރިޑްގެ ލެފްޓް ބެކް ފަރްލަންޑް މެންޑީ ވެސް ވަނީ އަނިޔާގެ ސަބަބުން ބޭރުގައެވެ. ނަމަވެސް އޭނާގެ އަނިޔާގެ ތަފްސީލު ލިބިފައެއް ނުވެއެވެ.

ހުސްވި މަހުގެ ފުރަތަމަ ދުވަހު ބާސެލޯނާގެ ޑެނިޝް ޑިފެންޑަރު އެންޑްރިއާސް ކްރިސްޓެންސެން އަށް ޕްރެކްޓިހުގައި އަނިޔާވުމުން އަދިވެސް އޭނާ އެހެރީ ބޭރުގައެވެ. ނަމަވެސް މިހަފްތާގައި އޭނާ ރަނަގަޅުވާނެ ކަމަށް މީޑިއާ ރިޕޯޓުތސއް ބުނެއެވެ.

ކޮންމެޔަކަސް، މިއީ ލީގު އަދި ޔޫރަޕްގެ މުބާރާތްތައް ކްރިޓިކަލް މަރުހަލާއެއްގައި އޮތް ދަނޑިވަޅެއްގައި ދިމާވި ކަމަކަށް ވާތީ، ކޯޗުންނަށް ބޮޑެތި ގޮންޖެހުންތަކާ ކުރިމަތިލާން ޖެހޭނެއެވެ. މި ކުޅުންތެރިންގެ ބަދަލުގައި ކުޅޭނެ ކުޅުންތެރިން ހޯދުމަކީ އެ ޓީމުތަކަށް މިހާރު ކުރިމަތިވެފައިވާ އެންމެ ބޮޑު ގޮންޖެހުމެވެ.

މިއީ ވޯލްޑްކަޕްގެ ކޮލިފައިންއަށް ވެސް މުހިންމު ކުޅުންތެރިންކަން ވެސް ފާހަގަ ކުރެވެއެވެ.