ޗެމްޕިއަންސްލިގުގެ ފުލުގައި އޮތް ޕްލައިމައުތުން އެފއޭކަޕްގައި ރޭ ޕްރިމިއާ ލީގުގެ އެއްވަނައިގައި އޮތް ލިވަޕޫލް 1-0 އިން ބަލިކޮށް މުބާރާތުން ކަޓުވާލައިފިއެވެ.

މިއީ އެފްއޭ ކަޕުގެ ތާރީޚުގައި ފެނުނު އެންމެ ބޮޑެތި ސަޕްރައިޒްތަކުގެ ތެރެއިން އެއް ސަޕްރައިޒެވެ.

މެޗުގެ ގިނަ ވަގުތު ބޯޅަ ކޮންޓްރޯލް ކުރި ނަމަވެސް، ލިވަޕޫލަށް ޕްލައިމައުތުގެ ވަރުގަދަ ޑިފެންސް ފޫއަޅުވާލެވޭނެ ގޮތެއް ނުވިއެވެ. މެޗުގެ ހަމައެކަނި ލަނޑު ޖެހުނީ 53 ވަނަ މިނެޓުގައެވެ. އެއީ ލިވަޕޫލްގެ ހާވީ އެލިއެޓްގެ އަތުގައި ނޯޅަ ޖެހުމުން ލިބުނު ޕެނަލްޓީއެކެވެ. އެ ޕެނަލްޓީ ގޯލަށް ވައްދައިލީ ރަޔަން ހާޑީ އެވެ.

ލިވަޕޫލްގެ މެނޭޖަރު ޔޯގަން ކްލޮޕް މެޗު ފެށީ އާން،ުކޮށް ސްޓާޓިންގ 11 އާއިގެނެއް ނޫނެވެ. އިންޖަރީއަކުން އެނބުރި އައި މުހައްމަދު ސަލާހު މެޗު ފެށީ ބެންޗުގައެވެ. އޭނާ ކުޅެން ނެރުނީ 65 ވަނަ މިނެޓުގައި މެޗު ސަލާމަތް ކުރުމުގެ އުންމީދުގައެވެ. ލިވަޕޫލްގެ ދިފާއީ ތަނބު ވާޖިލް ވަން ޑައިކް ވެސް 72 ވަނަ މިނެޓުގައި ބަދަލުކުރީ އެޓޭކިން އަށް ކުޅުންތެރިއަކު ނެރުމަށެވެ.

ޑާވިން ނޫނެޒް އަދި ޑޮމިނިކް ޒޮބޮޒްލާއީ ފަދަ ކުޅުންތެރިން ނެރުމުން ވެސް ލިވަޕޫލަށް ގޯލެއް ނުޖެހުނެވެ. ޕްލައިމައުތުގެ ގޯލްކީޕަރު ލިވަޕޫލްގެ ހުރިހާ ހަމަލާއެއް ހުއްޓުވިއެވެ.

މި ބަލިވުމާ އެކު ލިވަޕޫލްގެ ހަތަރު މުބާރާތް ކާމިޔާބު ކުރުމުގެ އުންމީދަށް ބޮޑު ލޮޅުމެއް އައިސްފައިވެއެވެ.

އަނެއްކޮޅުން ޕްލައިމައުތުގެ މި ކާމިޔާބީއަކީ އެ ކުލަބުގެ ތާރީޚުގައި އަބަދުވެސް ހަނދާންކުރާނެ ކާމިޔާބީއެކެވެ.