ލިވަޕޫލް އެފްސީއަށް ކުޅެމުން އަންނަ މިސްރުގެ ފޯވާޑް މުހައްމަދު ސަލާހު އެ ކްލަބާއެކު ހަދާފައިވާ އެއްބަސްވުން އިތުރުކުރުމަށް އުސޫލީ ގޮތުން އެއްބަސްވުމަކަށް އައިސްފައިވާ ކަމަށް ރިޕޯޓްތައް ބުނެފިއެވެ. މި މުއްދަތު އިތުރުކުރުމަށް ހުށަހަޅާފައިވާ އިތުރު ދެ އަހަރަށް ސަލާހު 2027 ވަނަ އަހަރާއި ހަމައަށް އެންފީލްޑްގައި ހުންނާނެ ކަމަށް ނުރަސްމީ ރިޕޯޓުތައް ބުނެއެވެ. އަނެއްކޮޅުން ޕީއެސްޖިން ވެސް ވަނީ 3 އަހަރުގެ ޑީލެއް ސަލާހަށް ހުށަހަޅާފައި ކަމަށް ފުރެންޗު ނިއުސްތައް ބުނެއެވެ.
އިނގިރޭސި މީޑިއާގައި ބުނާ ގޮސިޕްތަކުގައި ސަލާހުގެ އުމުރުން 35 އަހަރު ފުރެންދެން ލިވަޕޫލުގައި ހުންނާނެއެވެ.
ސަލާހުގެ އިމޭޖް ރައިޓްސްއާ ގުޅޭ ގޮތުން ކުރިއަށްދާ މަޝްވަރާތަކުގެ ސަބަބުން ކޮންޓްރެކްޓް ފައިނަލްކުރުން ވަނީ ލަސްވެފައި ކަމަށް ޚަބަރުތައް ބުނެއެވެ.
Advertisement
ސަލާހުގެ މިހާރުގެ ކޮންޓްރެކްޓް 2025 ވަނަ އަހަރުގެ ހޫނު މޫސުމުގައި ހަމަވާއިރު، މީގެ ކުރިން ރިޕޯޓްތައް ބުނާގޮތުން ކޮންޓްރެކްޓްގެ މަޝްވަރާތައް ހުއްޓިފައިވާތީ ލިވަޕޫލްގައި އޭނާގެ މުސްތަގުބަލާއި މެދު ޝައްކުތަކެއް އުފެދިފައިވެ އެވެ.
2017 ވަނަ އަހަރު ލިވަޕޫލާއި ގުޅުނު ފަހުން ސަލާހު ވަނީ ޕްރިމިއާ ލީގާއި ޔުއެފާ ޗެމްޕިއަންސް ލީގު ކާމިޔާބުކޮށް، އެ ކްލަބުގެ ކާމިޔާބީތަކުގައި މުހިންމު ދައުރެއް އަދާކޮށްފަ އެވެ. އޭނާ ވަނީ ސަޕޯޓަރުންގެ ފޭވަރިޓެއްގެ އިތުރުން ލިވަޕޫލްގެ އެޓޭކިން ލައިނަޕްގެ މުހިއްމު ކުޅުންތެރިއަކަށް ވެފައެވެ.
