އެމެރިކާއާއި އީރާނާއި ދެމެދު ގަތަރުގެ ދޯހާގައި މެދުކަނޑާލާފައިވާ ނުސީދާ މަޝްވަރާތައް، އީރާނުގެ ސުޕްރީމް ލީޑަރު އަލީ ޚާމަނާއީގެ ޖަނާޒާގެ ރަސްމިއްޔާތުތަކަށް ފަހު އަލުން ފަށާނެ ކަމަށް މެދުވެރިއެއްގެ ދައުރު އަދާކުރާ ޕާކިސްތާނުން ބުނެފިއެވެ.

މީޑިއޭޓަރުން މިއަދު ދޯހާގައި މަޝްވަރާ ކުރާއިރު އީރާނުން ނުސީދާ މަޝްވަރާތަކުގައި ބައިވެރިވާނީ ޚާމަނާއީގެ ޖަނާޒާ އަށް ފަހުގައި ކަމަށް ރިޕޯޓުތައް ބުނެއެވެ، ނަ،ަވެސް އީރާނުން އަދި ރަސްމީކޮށް މިކަން ހާމަކޮށްފައެއް ނުވެއެވެ.

ޕާކިސްތާނުގެ ފޮރިން މިނިސްޓްރީން ހާމަކުރި ގޮތުގައި، ދޯހާގައި ކުރިއަށްދިޔަ ބައްދަލުވުންތައް މިވަގުތަށް ނިންމާލާފައި ވަނީ ކުރިއަށް އޮތް ތަނުގައި މި މަޝްވަރާތައް ހަރުދަނާ ކަމާއެކު ކުރިއަށް ގެންދިއުމުގެ އަޒުމުގައެވެ.

މި މަޝްވަރާތަކަކީ ދެގައުމުގެ ދެމެދުގައި އުފެދިފައިވާ ސިޔާސީ އަދި އިގްތިސާދީ ނުތަނަވަސްކަން ކުޑަކުރުމަށްޓަކައި "އިސްލާމްއާބާދު އެމްއޯޔޫ" ގެ ދަށުން ކުރިއަށްގެންދާ މުހިންމު ބައްދަލުވުންތަކެކެވެ. މިނިސްޓްރީގެ ބަޔާނުގައިވާ ގޮތުން، މިހާތަނަށް ދެ ފަރާތުގެ ދެމެދުގައި ކުރެވުނު މަޝްވަރާތަކުން އެމްއޯޔޫގެ އެކި މާއްދާތަކާ ގުޅޭގޮތުން އުންމީދީ ކުރިއެރުންތަކެއް ވަނީ ހޯދިފައެވެ.

މީޑިއޭޓަރުން ހާމަކުރި ގޮތުގައި ކުރިއަށް އޮތް ބައްދަލުވުން ބާއްވާނެ ވަގުތެއް ކަނޑައަޅާނީ، ޚާމަނާއީގެ ރަސްމީ ޖަނާޒާގެ ކަންކަން މުޅިން ނިމުމުންނެވެ.