އެމެރިކާގެ ސެނެޓުން ހަނގުރާމަ ހުއްޓުވަން ފާސްކުރި ގަރާރަކީ ރައީސް ޓްރަމްޕަށް ލިބުނު ސިޔާސީ ނާކާމިޔާބީއެކެވެ. ނަމަވެސް މިއީ ގާނޫނީ ގޮތުން ލާޒިމުވާ ކަމަކަށް ނުވާތީ، ހަނގުރާމަ ހުއްޓާލަން ޓްރަމްޕަކަށް މަޖުބޫރެއް ނުވާނެއެވެ.

ޓްރަމްޕްގެ ވެރިކަމާއި އެމެރިކާގެ ގިނަ ޢަދަދެއްގެ ބަޔަކު މިހާރު ދެކޮޅު ހެދި ކަމުގައި ވިޔަސް، އެމެރިކާގެ އަސްކަރީ ބާރުތައް ބޭނުންކުރެއްވުމުގެ ފުރުސަތު އޭނާއަށް އެބަ އޮތެވެ.

ޓްރަމްޕާއި ދެކޮޅަށް ޤަރާރު ފާސްކުރުން

އެމެރިކާގެ ސެނެޓާއި އަދި ހައުސް އޮފް ރެޕްރެޒެންޓެޓިވްސް އިން ވަނީ ރައީސް ޑޮނަލްޑް ޓްރަމްޕް އީރާނާ ދެކޮޅަށް ކުރައްވަމުން ގެންދަވާ ހަނގުރާމަ ހުއްޓުވުމަށް ނުވަތަ ކޮންގްރެސްގެ ހުއްދަ ހޯދުމަށް ގޮވާލާ ގަރާރެއް ފާސްކޮށްފައެވެ. މިއީ 1973 ވަނަ އަހަރު އަމަލުކުރަން ފެށުނު 'ވޯރ ޕަވަރސް ރިޒޮލިއުޝަން' ގެ ދަށުން، ރައީސަކު ކުރައްވަމުން ގެންދަވާ ހަނގުރާމައަކާ ދެކޮޅަށް ކޮންގްރެސްގެ ދެ މަޖިލިސް ގުޅިގެން މިފަދަ ފިޔަވަޅެއް އެޅި ފުރަތަމަ ފަހަރެވެ. ސެނެޓުން މި ގަރާރު 50-48 ވޯޓުން ފާސްކުރީ، ޓްރަމްޕްގެ ރިޕަބްލިކަން ޕާޓީގެ ބައެއް މެމެންބަރުން ވެސް ޑިމޮކްރެޓުންނާ ގުޅިވަޑައިގަތުމުންނެވެ.



ޓްރަމްޕަށް ހަނގުރާމަ ނުކުރެވޭނެ ތަ؟

ރައީސް ޓްރަމްޕަށް ހަނގުރާމަ ނުކުރެވޭނެތޯ އަދި އޭނާ ޖެހޭނީ ހަނގުރާމަ ހުއްޓާލަން ތޯ އުފެދޭ ސުވާލުގެ ޖަވާބަކީ ތަފާތު ދެ ކަމެކެވެ. ސަބަބަކީ ހަނގުރާމައެއް ކުރުމަށް ގާނޫނީ ބާރެއް އޭނާގެ އަތަކު ނެތުމެވެ. ޓްރަމްޕުގެ “އިދާރީ މޭޒުން” ބުނަނީ މި ގަރާރަކީ ރަމްޒީ ގޮތުން ޓްރަމްޕަށް ކުރި ޖެއްސުމެއް ކަމަށާއި، މިއީ ރައީސް ޓްރަމްޕް ތަންފީޒުކުރަން ޖެހޭ، ގާނޫނީ ބާރު ލިބިފައިވާ ބިލެއް ނޫން ކަމަށެވެ. ޓްރަމްޕްގެ ސަރުކާރުން ބުނަނީ މި ވޯޓަކީ އެއްވެސް މާނައެއް ނެތް، ވަގުތާ ނުބައްދަލު ކަމެއް ކަމަށާއި އެމެރިކާގެ ސިފައިން އީރާނުގައި ހަރަކާތްތެރިވުން ހުއްޓާލަން ނުޖެހޭނެ ކަމަށެވެ.