ނަތަންޔާހޫގެ ކެބިނެޓުގެ އިންޒާރަކަށް ފަހު ބެއިރޫތަށް ވަރުގަދަ ޙަމަލާތަކެއް ދޭން ފަށައިފިއެވެ. ބޮޑުވަޒީރު ނަތަންޔާހޫ އާއި އޭނާގެ ޑިފެންސް މިނިސްޓަރު ކަޓްޒް ވަނީ މީގެ އިރުކޮޅެއް ކުރިން ކެބިނެޓްގެ ކުއްލި ބައްދަލުވުމެއް ބާއްވާނެކަން ކަށަވަރުކޮށްދީފައި ކަމަށް އިތުބާރުހުރި މަސްދަރަކުން ބުނެއެވެ.
އިޒުރޭލުން އަަބަދުވެސް ތަންތަނަށް ހަމަލާ ދެނީ އިޒުރޭލު ޑިފެންސް ލީޑަރުގެ އޯޑަރަށެވެ.
ބައެއް މަސްދަރުން ބުނާ ގޮތުގައި ކަޓްޒް ވަނީ މިރޭގެ ކުއްލި ކެބިނެޓުހެ ބައްދަލުވުމުގެ ކުރިން ނަތަންޔާހޫ އާއި ބައްދަލުކުރައްވާފައެވެ. އެ ބައްދަލުވުމުގައި ނިންމީ ބެއިރޫތުގެ ދެކުނު ސަބަރބްސް އަށް ވަރުގަދަ ހަމަލާތަކެއް ދޭށެވެ. އެއީ ހިޒްބުاللهގެ ހަނގުރާމަވެރިންގެ ގިނަ ބަޔަކު ތިބޭ ސަރަހައްދެކެވެ.
Advertisement
ދެންމެ ދިން ހަމަލާގައި މަދުވެގެން 7 މީހުން ޝަހީދުވެ ގިނަބަޔަކު ވަނީ ޒަޚަމް ވެފައި ކަމަށް އިތުބާރު ކުރެވޭ މަސްދަރަކުން ވަނީ ރިޕޯޓް ކޮށްފައެވެ.
އިތުބާރުކުރެވޭ އިތުރު މަސްދަރަކުން ބުނީ މިރޭގެ ކެބިނެޓުހެ ބައްދަލުވުމުގެ ކުރިން ލުބުނާނަށް ހަމަލާ ދޭން އެންގީ ވެސް ކެބިނެޓުގެ ގިނަބައެއްގެ އެދުމަކަށެވެ.
އިޒުރޭލުން ޢާންމުކޮށް ކަންކަން ކުރާ ގޮތަކީ ހަމަލާ ދިނުން ހުއްޓާލަނީ ވަރުގަދަ އިތުރު ހަމަލާތަކެއް ދިނުމަށް ފަހުގައެވެ. އަދި ހަމަލާ ހުއްޓާލަން އުޅޭކަން އެންގުމަށް ފަހުވެސް، އެތަނަކުން ފޭބުމުގެ ކުރިން ވަރުގަދަ ހަމަލާތަކެއް ދޭނެއެވެ.
