ހުޅަނގު އައްސޭރީގައި މިއިން ޒަމާނަކު ނުކުރާވަރަށް އިޒުރޭލުން ދަނީ މުސްލިމުންނަށް އަނިޔާ ކުރަމުން ކަމަށް ޔުނައިޓެޑް ނޭޝަންސް (ޔޫއެން)އިން ބުނެފިއެވެ.

އދ.އިން ބުނީ އިސްރާއީލުން ހިފާފައިވާ ހުޅަނގު އައްސޭރީގައި ފަލަސްތީނުގެ ރައްޔިތުންނަށް ދުވާލަކު އެތައް ފަހަރަކު އަނިޔާ ދެމުންދާ ކަމަށެވެ.

އެތަނުގައި ތިބި އިސްރާއީލުގެ ވަޒަންވެރިން ގެންދަނީ މުސްލިމުން ދިރިއުޅޭ ތަންތަނަށް ގެއްލުންދީ ގެރިބަކަރި ފަދަ ޖަނަވާރުތަކަށް އަނިޔާކޮށް ވަގަށް ނަގައި، ފިހާރަތައް ތަޅައި މުސްލިމު ރައްޔިތުންގެ ގައިގައި ތަޅައި ކުޑަކުދިންނަށް ވެސް އަނިޔާ ދެމުންނެވެ.

އޮފީސް ފޯ ދަ ކޯޑިނޭޝަން އޮފް ހިއުމަނިޓޭރިއަން އެފެއާޒް (އޯސީއެޗްއޭ) އާ ހަވާލާދީ އދ. އިން ބުނީ އިޒުރޭލުގެ ވަޒަންވެރީން ހުޅަނގުއައްސޭރީގައި އެވްރެޖްކޮށް ދުވާލަކު 6 ފަހަރު މަތިން އަނިޔާ ދެމުންދާ ކަމަށެވެ.

މި ހަމަލާތަކުގެ އަސަރު ހުޅަނގު އައްސޭރީގެ ހުރިހާ ހިސާބެއްގައި ވެސް 230 އަށް ވުރެ ގިނަ ކޮމިއުނިޓީތަކަށް ކޮށްފައިވާ ކަމަށާއި، ހަމަ މިދިޔަ ހަފްތާގައި ވަޒަންވެރިންގެ ހަމަލާތަކުގެ ސަބަބުން ފަލަސްތީނުގެ 30 އަށް ވުރެ ގިނަ މީހުންނަށް އަނިޔާވެ، މުދަލާއި މުހިންމު އިންފްރާސްޓްރަކްޗާގެ އިތުރުން ދިރިއުޅުމަށް ބޮޑެތި ގެއްލުންތަކެއް ލިބިފައިވާ ކަމަށް ފާހަގަ ކޮށްފައި ވެއެވެ.

2023 ވަނަ އަހަރުގެ އޮކްޓޯބަރު މަހު އިސްރާއީލުން ޣައްޒާއާ ދެކޮޅަށް ހަނގުރާމަ ފެށި ފަހުން ހުޅަނގު އައްސޭރި ހިފުމަށް އަމާޒުކޮށްގެން އިސްރާއީލުން އަޅާފައިވާ ފިޔަވަޅުތައް ވަރުގަދަވެފައިވާ ކަމަށް ފަލަސްތީނުގެ އޮފިޝަލުން ބުނެ އެވެ.

ހުޅަނގު އައްސޭރީގެ ހުރިހާ ހިސާބެއްގައި ގަވާއިދާ ހިލާފަށް އިސްރާއީލުގެ ގާތްގަނޑަކަށް 500،000 މީހުން ދިރިއުޅެމުންދާއިރު، އިތުރު 250،000 މީހުން ދިރިއުޅެނީ ހިފާފައިވާ އިރުމަތީ ގުދުސްގައި ފަލަސްތީނުގެ ބިމުގައި ބިނާކޮށްފައިވާ އާބާދީތަކުގައެވެ.

އިސްރާއީލުގެ ސިފައިންނާއި ވަޒަންވެރީން ވަނީ ގުދުސް ހިމެނޭ ގޮތަށް ހުޅަނގު އައްސޭރީގައި މަދުވެގެން 1،169 ފަލަސްތީނުން ޝަހީދުކޮށްލައި، 12،600 އަށް ވުރެ ގިނަ މީހުން ޒަހަމްކޮށްފައެވެ.

we