އެމެރިކާގެ ކެލިފޯނިއާގެ ބޭކަރސްފީލްޑްގައި ހުންނަ އިމާރާތެއްގެ ތެރޭގައި ބަޔަކު ރަހީނުކުރި މީހަކު، އެމެރިކާގެ ތަޙުޤީޤީ އިދާރާ، ފެޑަރަލް ބިއުރޯ އޮފް އިންވެސްޓިގޭޝަން (އެފް.ބީ.އައި) ގެ އެޖެންޓުން ބަޑިޖަހައި މަރާލައިފިއެވެ.
މި ހާދިސާ ހިނގާފައިވަނީ ބޭކަރސްފީލްޑްގައި ހުންނަ ބޭންކް ބްރާންޗަކާއި ސްކޫލް ޑިސްޓްރިކްޓއެމެރިކާގެ ކެލިފޯނިއާގެ ބޭކަރސްފީލްޑްގައި ހުންނަ އިމާރާތެއްގެ ތެރޭގައި ބަޔަކު ރަހީނުކުރި މީހަކު، އެމެރިކާގެ ތަޙުޤީޤީ އިދާރާ، ފެޑަރަލް ބިއުރޯ އޮފް އިންވެސްޓިގޭޝަން (އެފް.ބީ.އައި) ގެ އެޖެންޓުން ބަޑިޖަހައި މަރާލައިފިއެވެ.
މި ހާދިސާ ހިނގާފައިވަނީ ބޭކަރސްފީލްޑްގައި ހުންނަ ބޭންކް ބްރާންޗަކާއި ސްކޫލް ޑިސްޓްރިކްޓް އޮފީހެއް ހިންގާ އިމާރާތެއްގައެވެ. ގާތްގަނޑަކަށް 12 ގަޑިއިރަށް ދެމިގެންދިޔަ މި ކުރިމަތިލުން ނިމުމަކަށް އައީ އެފް.ބީ.އައި އިން ދިން ހަމަލާއެއްގައި ތުހުމަތުކުރެވޭ މީހާ މަރުވުމުންނެވެ.
Advertisement
ބޭކަރސްފީލްޑް ފުލުހުން ނެރުނު ބަޔާނެއްގައި ބުނެފައިވަނީ، މި ހާދިސާގައި ތުހުމަތުކުރެވޭ މީހާ މަރުވީ އެފް.ބީ.އައި ގެ އެޖެންޓުން ބައިވެރިވި ބަޑިޖެހުމުގެ ހާދިސާއެއްގައި ކަމަށެވެ. އަދި ރަހީނުކުރި ހުރިހާ އެންމެން ސަލާމަތްކުރެވިފައިވާ ކަމަށާއި، އެމީހުންނަށް އެއްވެސް ގެއްލުމެއް ލިބިފައިނުވާ ކަމަށްވެސް ފުލުހުން ބުނެފައިވެއެވެ. ސަލާމަތްކުރި މީހުންނަށް ހާދިސާ ހިނގި ސަރަޙައްދުގައި ވަނީ ސިއްހީ ފަރުވާ ދީފައެވެ.
ފުލުހުންނަށް އެންމެ ފުރަތަމަ މި ރިޕޯޓު ލިބުނީ އެ އިމާރާތުގައި ބޮމެއް އޮތް ކަމަށް ބުނެ ދިން އިންޒާރަކާ ގުޅިގެންނެވެ. ތުހުމަތުކުރެވޭ މީހާ ވަނީ އެތައް ބަޔަކާއެކު އެ އިމާރާތުގެ ތެރޭގައި ބަންދުވެފައެވެ. ނަމަވެސް، ކަމާބެހޭ ފަރާތްތަކުން ކުރި މަޝްވަރާތަކަށްފަހު، އޭގެ ތެރެއިން ދެ މީހަކު އަންގާރަ ދުވަހު ވަނީ ދޫކޮށްލާފައެވެ.
މި ހާދިސާއާ ގުޅިގެން ސަލާމަތީ ފިޔަވަޅެއްގެ ގޮތުން ފުލުހުން ވަނީ އެ ސަރަޙައްދު ބަންދުކޮށް، ކައިރީގައި ހުރި ސިޓީ ހޯލާއި ފުލުހުންގެ މައި މަރުކަޒުވެސް ހުސްކޮށްފައެވެ. ބޭކަރސްފީލްޑް ފުލުހުންގެ ސާޖަންޓް އެރިކް ސެލެޑަން ވިދާޅުވި ގޮތުގައި، މި ހާދިސާ އެންމެ ރައްކާތެރި ގޮތުގައި ނިންމުމަށްޓަކައި ފުލުހުންގެ ހުރިހާ ވަސީލަތްތަކެއް ބޭނުންކޮށްފައިވެއެވެ.
މި މައްސަލައިގެ ތަޙުޤީޤު އަދިވެސް ކުރިއަށްދާ ކަމަށާއި، އެ ސަރަޙައްދުގައި ގިނަ އަދަދެއްގެ ފުލުހުން ހަރަކާތްތެރިވަމުންދާނެ ކަމަށް ފުލުހުން ބުދަ ދުވަހު ބުނެފައިވެއެވެ. މިހާތަނަށް ތުހުމަތުކުރެވޭ މީހާގެ ވަޒަން ބަޔާންކޮށްފައި ނުވާއިރު، އޭނާ މިކަން ކުރަން މެދުވެރިވި ސަބަބެއްވެސް އަދި ސާފެއް ނުވެއެވެ.
