ޙިޛްބުاللهއިން އިޒުރޭލު ސިފައިންގެ ކެޕްޓަން މަރާލައިފިއެވެ.
ލުބުނާނުގެ ދެކުނުގައި ޙިޛްބުالله އިން ދިން ޑްރޯން ހަމަލާއެއްގައި އުމުރުން 26 އަހަރުގެ ކެޕްޓަނަކު މަރުވެފައިވާކަން އިސްރާއީލުގެ އަސްކަރިއްޔާ އިން ވެސް ވަނީ ކަށަވަރު ކޮށްދީފައެވެ.
އޭނާ މަރުވީ ލުބުނާނުގެ ދެކުނު ބޯޑަރު ސަރަހައްދުގައި ހަރަކާތްތެރިވަމުން ދަނިކޮށް ދިން ވަރުގަދަ ޑްރޯން ހަމަލާއެއްގައެވެ.
2023 ވަނަ އަހަރުގެ އޮކްޓޯބަރު މަހުން ފެށިގެން އިސްރާއީލުން ފަލަސްތީނުގެ ޣައްޒާއަށް ދެމުންދާ ހަމަލާތަކަށް ރައްދު ދިނުމުގެ ގޮތުން، ޙިޛްބުاللهއިން ދަނީ އިސްރާއީލުގެ އަސްކަރީ މަރުކަޒުތަކަށް އަމާޒުކޮށް ގަވާއިދުން ހަމަލާތައް ދެމުންނެވެ. މި ހަމަލާތަކުގެ ސަބަބުން އިސްރާއީލުގެ އިސް އޮފިސަރުން ހިމެނޭހެން އެ ގައުމުގެ އަސްކަރިއްޔާއަށް ބޮޑެތި ގެއްލުންތަކެއް ދަނީ ލިބެމުންނެވެ.
