އޮސްޓްރޭލިއާގެ ސިޑްނީގެ ބީޗުގައި ބަޑިން ޙަމަލާދީ ޔަހޫދީން ހިމެނޭހެން 16 މީހުން މަރައިލި ހާދިސާގެ ހީރޯގެ ގޮތުގައި އެ ޤައުމުން ފާހަގަކުރި އަޙްމަދު އަލް-އަޙްމަދަށް އެމެރިކާގެ ޖަމާޢަތެއް ކަމަށްވާ ގޯފައުންޑްމީ އިން ދެމިލިއަން ޑޮލަރުގެ އެހީއެއް ދީފިއެވެ.
މި މަހުގެ 16 ވަނަ ދުވަހު 43 އަހަރުގެ އަޙްމަދު އަލް-އަޙްމަދު މަޝްހޫރުވީ ބަޑި ޖަހަމުން ދިޔަ ދެމީހުންގެ ތެރެއިން އެކަކާއި ކުރިމަތިލައި އޭނާގެ އަތުގައި އޮތް ބަޑި އަތުލި ހާދިސާ އަށް ފަހުގައެވެ.
ސިޑްނީގައި ދިރިއުޅޭ ސީރިއާއަށް އުފަން އަޙްމަދަށް ލިބުނު އަނިޔާތަކާއި ގުޅިގެން އޭނާ އަށް ހޮސްޕިޓަލުގައި ފަރުވާދެމުންދާއިރު އެމެރިކާގެ އަމިއްލަ ޖަމާޢަތެއް ކަމަށްވާ ގޯފައުންޑްމީ އިން ހިންގި ކެމްޕޭނުގައި 30،000 އަށް ވުރެ ގިނަ މީހުން ބައިވެރިވިއެވެ. އޭގެތެރޭގައި އެމެރިކާގެ ބިލިއަނަރު ބިލް އެކްމަން ވެސް ހިމެނެއެވެ.
އެ ޙަމަލާއަށް ފަހު އަޙްމަދު ވަނީ ހޮސްޕިޓަލުގައި އެޑްމިޓްކޮށް އޮޕަރޭޝަނެއް ކޮށްފަ އެވެ. ހޮސްޕިޓަލަށް ވަޑައިގެން އޭނާ އަށް ތަޢުރީފްކޮށް ހިތްވަރުދިން މީހުންގެ ތެރޭގައި އޮސްޓްރޭލިއާގެ ބޮޑުވަޒީރު އެންތޮނީ އަލްބަނީޒް ހިމެނެއެވެ. އެމެރިކާގެ ރައީސް ޑޮނަލްޑް ޓްރަމްޕް ވެސް ވަނީ އަޙްމަދަށް ތަޢުރީފް ކޮށްފައެވެ.
ރިޕޯޓުތައް ބުނާ ގޮތުގައި އަޙްމަދަށް ފައިސާގެ އިނާމު ދިން އަސްލު ސަބަަބަކީ އޭނާ ޔަހޫދީންތަކެއް ސަލާމަތް ކޮށްފައި ވާތީއެވެ.
