އަފްޣާނިސްތާނުގެ އުތުރަށް މިއަދު 6.3 މެގްނިޓިއުޑްގެ ބިންހެލުމެއް އައިސް 20 މީހުން މަރުވެ 300 އަށް ވުރެ ގިނަ މީހުން ޒަޚަމްވެއްޖެއެވެ.
އެ ޤައުމުގެ މަސްދަތުތަކުން ބުނާ ގޮތުގައި މި ބިންހެލުން އައީ އެ ޤައުމުގެ ހުޅަނގު ދެކުނުން ގާތްގަނޑަކަށް 22 ކިލޯމީޓަރު ދުރުން 28 ކިލޯމީޓަރު އަޑިންނެވެ.
މިއަދުގެ ބިންހެލުމުގައި އެންމެ ބޮޑަށް ގެއްލުން ލިބިފައިވަނީ ބަލްޚާއި ސަމަންގަން ޕްރޮވިންސް އަށް ކަމަށް އަފްޣާނުގެ މަސްދަރުތަކުން ބުނެއެވެ.
އަފްޣާނިސްތާނަކީ ބިންހެލުން ބޮޑު ސަރަޙައްދެއްގައި އޮތް ޤައުމެކެވެ.
މިދިޔަ އޮގަސްޓު މަހު ވެސް އެ ޤައުމަށް 6.2 މެގްނިޓިއުޑްގެ ބާރުގަދަ ބިންހެލުމެއް އައިސް 2205 މީހުންގެ ފުރާނަ ގެއްލުނެވެ.
