ޓްރީޓޮޕް ހޮސްޕިޓަލުން ހިލޭ ލޯ ސްކްރީން ކޮށްދޭ "ކެޓަރެކްޓް ކެމްޕެއިން" މި މަހު ހަތް ވަނަ ދުވަހު ފެށުމަށް ހަމަޖައްސައިފި އެވެ.
މި ކެމްޕެއިންގެ ދަށުން އުމުރުން 45 އަހަރުން މަތީގެ ކޮންމެ މީހަކަށް ވެސް މި މަހުގެ 13 ވަނަ ދުވަހުގެ ނިޔަލަށް އެ ހޮސްޕިޓަލުން ލޮލުގެ ޑޮކްޓަރަކަށް ހިލޭ ދައްކައި އަދި ލޯ ސްކްރީން ކުރެވޭނެ އެވެ. އެއީ ދިވެހިންނާއި ބިދޭސީންނާއި ޓޫރިސްޓުންނަށް ވެސް ހިލޭ ލޯ ސްކްރީން ކުރުމުގެ ފުރުސަތު ލިބޭ ގޮތަށް ކުރިއަށް ގެންދާ ކެމްޕެއިނެކެވެ.
ކެމްޕެއިން ކުރިއަށް ދާނީ ކޮންމެ ދުވަހެއްގެ މެންދުރު ފަހު 2 އިން ހަވީރު 5 ޖަހަންދެނެވެ. މި ކެމްޕޭނުގައި ބައިވެރިވުމަށް ގޫގުލް ފޯމް މެދުވެރިކޮށް ރަޖިސްޓްރީ ކުރެވޭނެއެވެ. މި ކެމްޕެއިނަށް ރަޖިސްޓްރީ ނުކުރާ ފަރާތްތަކަށް "ވޯކްއިން" އެޕޮއިންޓްމަންޓް ޖާގަ އޮތް މިންވަރަކުން ފުރުސަތު ދޭނެ އެވެ.
Advertisement
މި ކެމްޕެއިންގެ ސަބަބުން ލޯ ސްކްރީން ކުރެވުނުނަމަވެސް އިތުރު ޓެސްޓުތަކާއި ހިދުމަތް ބޭނުންވާ ފަރާތްތަކުން އެ ހިދުމަތްތަކަށް ފައިސާ ދައްކަން ޖެހޭނެ އެވެ.
