ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ސަރުކާރުގެ އެންމެ ބޮޑު މަޝްރޫއުތަކުގެ ތެރޭގައި ހިމެނޭ ރަސްމާލޭ މަޝްރޫއުގެ ދަށުން ގޯތިތަކަށް ލޭންޑްފިލްކޮށް ހިއްކަމުންދާ ބިންތައް މިހާރު ހިކެންފަށާފައިވާ ކަމަށާއި، މި ދައުރު ނިމުމުގެ ކުރިން ފެނާއި ނަރުދަމާގެ ހޮޅިތައް ބިމުއަޑީ ވަޅުލެވި، މަގުތަކުގެ މަސައްކަތް ފެށި، ފްލެޓްތައް އުފުލި ގޯތިތަކުގައި ގެދޮރު އެޅުން ފެށިގެންދާނެ ކަމަށް ޒުވާނުން ބާރުވެރިކުރުވުމާއި، މައުލޫމާތާއި ފަންނާ ބެހޭ ވަޒީރުގެ އެޑްވައިޒަރު އަހުމަދު ނަރީޝް ވިދާޅުވެއްޖެ އެވެ.
ރަސްމާލޭ މަޝްރޫއުގެ ކުރިއެރުމާ ގުޅޭ ގޮތުން މިއަދު އެކްސްގައި ކުރެއްވި ފޯސްޓެއްގައި ނަރީޝް ވިދާޅުވި، ރަސްމާލޭގައި ފަޅު މިހާރު އެއްގަމަށް ވާންފަށާފައިވާ ކަމަށާއި، ގޯތިތައް ހިކުމުން މަސައްކަތްތައް ކުރިއަށްގެންދިއުމަށް މަގުފަހިވާނެ ކަމަށެވެ.
އެގޮތުން، ސަރުކާރުގެ މި ދައުރު ނިމުމުގެ ކުރިން ރަސްމާލޭގައި ބޭސިކް އިންފްރާސްޓްރަކްޗާ ގާއިމުވެ، ބޯހިޔާވަހިކަމުގެ ހައްލު ލިބިގެންދާކަމަށްވެސް ނަރީޝް ފާހަގަކުރެއްވި އެވެ.
