ރާއްޖޭގައި އެންމެ ޙާލަތު ދެރައީ ރަތަފަންދޫ ބަނދަރު - ރައީސް

ރާއްޖޭގައި އެންމެ ޙާލަތު ދެރަ އެއް ބަނދަރަކީ ގދ. ރަތަފަންދޫ ބަނދަރު ކަމަށާއި، އެ ބަނދަރު ތަރައްޤީ ކުރުމުގެ މަސައްކަތް މިއަހަރު ތަރައްޤީކުރުމަށް މިސަރުކާރުން މަސައްކަތް ކުރައްވާނެ ކަމުގެ ޔަޤީންކަން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ދެއްވައިފިއެވެ.

ރަތަފަންދޫ ބަނދަރުގެ ތާރީޚަށް ބަލާލާއިރު، ރަތަފަންދޫގެ ކައުންސިލުން ހާމަކުރި ގޮތުގައި، އެރަށުގެ ބަނދަރަކީ 1988 ވަނަ އަހަރު ހެދި ބަނދަރެއް ކަމަށާއި، އޭގެ ފަހުން އެއްވެސް މަރާމާތެއް ކުރެވިފައި ނުވާ ކަމަށް ބުނެފައިވެއެވެ.

ކުރީގެ ސަރުކާރުތަކުން ބަނދަރު ހެދުމުގެ މަސައްކަތް ފަށާނެ ކަމަށް ތަކުރާރުކޮށް ވަޢުދުވެފައިވީ ނަމަވެސް، މިހާތަނަށް އެ މަސައްކަތް ފެށިފައި ނުވެއެވެ. އެރަށު ކައުންސިލުން ބުނެފައިވަނީ ރަށުގެ އާބާދީ އިތުރުވެ، ބަނދަރު ބޭނުންކުރާ އުޅަނދުފަހަރުގެ ޢަދަދު އިތުރުވެފައިވާ ކަމަށާއި، މިހާރުގެ ބަނދަރު ވަނީ ވަރަށް ބޮޑަށް ހަލާކުވެފައި ކަމަށެވެ.

ރަތަފަންދޫގެ ބަނދަރުގެ އިތުރުން ވެސް، ކުނި މެނޭޖްކުރުމުގެ މަސައްކަތް ފިޔަވައި ދެން ހުރި ހުރިހާ މަސައްކަތެއް އެރަށުން އެދުނު ގޮތަށް މިސަރުކާރުން ކޮށްދެއްވާނެ ކަމުގެ ޔަޤީންކަން ސަރުކާރުން ދެއްވިއެވެ. ކުނީގެ މައްސަލައިގައިމއެމަނިކުފާނު ވިދާޅުވީ، އެއީ ފައިސާ ހަމަޖެހިފައިވާ ކަމެއް ކަމަށާއި، ނަމަވެސް މަޝްވަރާ ކުރެވެމުންދާ ކަމެއް ކަމަށް ވާތީ އަދި އެއްޗެއް ބުނަން ދަތި ކަމަށެވެ. ނަމަވެސް، ރަތަފަންދޫއިން އެދުނު ހުރިހާ ކަމެއް މި ވެރިކަމުގައި ކޮށްދެއްވާމެ ކަމުގެ ޔަޤީންކަން ދެއްވިއެވެ. އޭގެތެރެއިން ގިނަ ކަންތައްތައް މިއަހަރު ފަށާނެ ކަމަށް ވެސް ވިދާޅުވިއެވެ.

^{ރަތަފަންދޫއިން އެދުނު ކަންތައްތައް މި ލިންކުން:}