ދިވެހި ބަހާއި ސަގާފަތާއި ތަރިކަ އާއިބެހޭ މިނިސްޓްރީން ރާއްޖޭގެ އެކި ސަރަހައްދުތަކުގައި ދާރުލްއާސާރުތައް އެޅުމުގެ އަމާޒު ކަނޑައަޅައިފިއެވެ.
މިނިސްޓަރ އޮފް ދިވެހީ ލެންގުއޭޖް، ކަލްޗަރ އެންޑް ހެރިޓޭޖް މިނިސްޓަރު އާދަމް ނަސީރު އިބްރާހީމް ވަނީ އަންނަ އަހަރުގެ ބަޖެޓުގައި ދާރުލްއާސާރުތައް ތަރައްގީ ކުރުމުގެ ޕްލޭންތައް ހިމަނައިގެން ތަރިކައާއި ތާރީހީ ތަންތަން ހިމާޔަތް ކުރުމުގެ މުހިންމުކަމަށް އަލިއަޅުވާލައްވާފައެވެ. އަދި މި ދާރުލްއާސާރުތަކުގެ ސަބަބުން ސަރުކާރަށް އާމްދަނީ ހޯދައިދިނުމުގެ ފުރުސަތު އޮތްކަން ވެސް އޭނާ ފާހަގަކުރެއްވި އެވެ. މާލޭގެ ގައުމީ ދާރުލްއާސާރުގައި މިހާރުވެސް ރާއްޖޭގެ އެކި ކަންކޮޅުތަކުން ސަގާފީ ތަކެތި ޑިސްޕްލޭ ކޮށްފައިވާއިރު، މިފަދަ ދާރުލްއާސާރުތައް ތަރައްގީ ކުރުމުން އަތޮޅުތަކަށް ފައިދާ ކުރާނެ ކަމަށް ބެލެވެ އެވެ.
ރާއްޖޭގެ ގަދީމީ މިސްކިތްތަކަށް ވޯލްޑް ހެރިޓޭޖްގެ ދަރަޖަ ހޯދައިދިނުމުގެ މަސައްކަތްތައް ވެސް ސަރުކާރުން ދަނީ ކުރަމުންނެވެ.
