މިނިސްޓްރީ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ އިން ހާމަކޮށްފައިވާ ގޮތުގައި ގްރޭޓަރ މާލެ ކަނެކްޓިވިޓީ މަޝްރޫޢުގެ %43.6 ނިމިއްޖެއެވެ. 

އިންޑިއާގެ ހައިކޮމިޝަނަރު މުނު މަހާވަރު އާއި އިސް އޮފިޝަލުންނާ އެކު މނިސްޓަރ ޑރ.މުއްޠަލިބު ވަނީ އެ މަޝްރޫއު ކަނޑައެޅިފައިވާ މުއްދަތަށް ނިމޭތޯ ބެލުމަށް ސްޓްރެޓެޖިކް މަޝްވަރާތަކެއް ބާއްވައިފަ އެވެ. މާލެއިން ގުޅީފަޅާ ހަމައަށް ގުޅީފަޅުން ތިލަފުށްޓާ ހަމައަށް މަސައްކަތް ނިމޭނެ ކަމަށް ކަމަށް ބެލެވެނީ ސެޕްޓެމްބަރު 30، 2026 ގެ ނިޔަލަށް ކަމަށް ވެސް މިނިސްޓްރީ އިން ލަފާކުރެއެވެ.

ރާއްޖޭގައި މިވަގުތު ކުރިޔަށްދާ އެންމެ ބޮޑު އިންފްރާސްޓްރަކްޗަރ މަސައްކަތް ކަމަށްވާ ގްރޭޓާ މާލޭ ކަނެކްޓިވިޓީ ޕްރޮޖެކްޓް (ޖީއެމްސީޕީ) އިން 6.7 ކިލޯމީޓަރުގެ ބްރިޖާއި ކޯޒްވޭ ސިސްޓަމެއް މެދުވެރިކޮށް މުހިއްމު ހަތަރު ރަށް ކަމަށްވާ މާލޭ، ވިލިނގިލީ، ގުޅިފަޅު އަދި ތިލަފުށި ގުޅުވައިލާނެއެވެ. އިއާދަކުރަނިވި ހަކަތައިން ކަރަންޓް އުފައްދާ މި މަޝްރޫއުގެ މަގުސަދަކީ އިގްތިސާދީ ކުރިއެރުމަށް މަގުފަހިކޮށްދޭނެ މުހިންމު ގުޅުމެއް އުފެއްދުން ކަމަށް މި ޕްރޮޖެކްޓާއި ޙަވާޅުވެގެން ހުރި ކުންފުނީގެ ވެބްސައިޓުގައި ލިޔެފައި ވާކަން ފާހަގަ ކުރެވެއެވެ.

އާ ބްރިޖުގެ މުހިންމު ސިފަތަކުގެ ތެރޭގައި ހިމެނެނީ؛

• ރަށްތަކުގެ މެދުގައިވާ ފުން ޗެނަލްތައް ހުރަސްކޮށް 140 މީޓަރުގެ ތިން ނޭވިގޭޝަން ބްރިޖް
• ފުން ކަނޑުގައި 4.1 ކިލޯމީޓަރުގެ ކަނޑުގެ ވިއަޑަކްޓެއް.
• ފަޅު ފެނުގައި ނުވަތަ ބިމުގައި 3.2 ކިލޯމީޓަރުގެ ކަނޑުގެ ވިއަޑަކްޓެއް.
• ރަށްތައް ގުޅުވައިދޭ މަގުތަކުގެ 9.6 ކިލޯމީޓަރު.

ދެމެހެއްޓެނިވި ގޮތެއްގައި ކުރިއަށް ގެންދިއުމަށް ކުރާ މަސައްކަތުގައި އިރުގެ ހަކަތައިން މަގުތަކާއި ދަތުރުފަތުރުގެ މަގުތަކާއި ސީސީޓީވީ ސިސްޓަމްތަކާއި އާކިޓެކްޗަރަލް ފީޗާސް ފަދަ ސްޓްރަކްޗަރތަކަށް ކަރަންޓް ދޭނެ އެވެ. އަދި ކޮންމެ ރަށެއްގައި ވެސް ބަސް ޓާމިނަލްތައް ބަހައްޓައި، މުހިއްމު ޖަންކްޝަންތަކުގެ ކައިރީގައި އާންމު ދަތުރުފަތުރުގެ ވަސީލަތްތައް ގާއިމް ކުރާނެއެވެ.

މި މަޝްރޫއުގެ ވަގުތީ ސްޓްރަކްޗަރތަކުގެ ރައްކާތެރިކަމާއި ފައިދާހުރިކަން ކަށަވަރުކުރުމުގެ މަސައްކަތް ހަވާލުކޮށްފައިވަނީ ޓެމްޕަރަރީ ވޯކްސް ޗެކަރ ބީޖީ އެންޑް އީ އަށެވެ. އޭގެ ތެރޭގައި ދަގަނޑު ބްރިޖްތަކާއި، ޕައިލް ކުރުމަށް ބޭނުންކުރާ ޕްލެޓްފޯމްތަކާއި، ޕައިލް ކެޕް ކޮފަރޑޭމްތަކާއި، ޖެޓީތަކާއި، ބާޖުން ބްރިޖް ސެގްމަންޓްތައް ގެންދިއުމުގެ ނިޒާމުތައް ހިމެނެއެވެ.

ޖީއެމްސީޕީގެ މި މަސައްކަތް ނިމުމުން ރާއްޖޭގެ އާބާދީގެ ގާތްގަނޑަކަށް ދެބައިކުޅަ އެއްބައި ގުޅީފަޅު ބަނދަރާއި ތިލަފުށީ އިންޑަސްޓްރިއަލް ޒޯން ފަދަ މުހިންމު ބަނދަރުތަކާއި ސިނާއީ ސަރަހައްދުތަކާ ގުޅުވައިދޭ މުހިންމު އިގްތިސާދީ އަދި ދަތުރުފަތުރުގެ މި ޗެނަލްގެ ބޭނުން ހިފާނެއެވެ.