ސައުދީ އާއެކު ވެވޭ ނިއުކްލިއަރ އެއްބަސްވުމަށް އެމެރިކާގެ ސެނެޓުން ޑިސެމްބަރު މަހު ވޯޓަށް އަހަނީ

ސައުދީ ޢަރަބިއްޔާއާ އެކު އެމެރިކާއިން ޤާއިމުކުރުމަށް މަސައްކަތްކުރަމުންދާ މަދަނީ ނިއުކްލިއަރ އެއްބަސްވުމަށް، އެމެރިކާގެ ޤާނޫނު ހަދާ މަޖިލީހުގެ މަތިގެ (ސެނެޓް) ގައި އަންނަ ޑިސެމްބަރު މަހުގެ ތެރޭގައި ވޯޓަށް އަހާނެ ކަމަށް ބެލެވޭ ކަމަށް ޚަބަރުތައް ބުނެފިއެވެ.

މި އެއްބަސްވުމަކީ ދެ ޤައުމުގެ ދެމެދުގައި ވުމަށް މަސައްކަތްކުރާ ސަލާމަތީ އަދި އިޤްތިޞާދީ ފުޅާ އެއްބަސްވުންތަކުގެ ތެރޭގައި ހިމެނޭ މުހިންމު ބައެކެވެ. މީގެ މައިގަނޑު ބޭނުމަކީ ސައުދީ ޢަރަބިއްޔާގައި ހަކަތަ އުފެއްދުމަށްޓަކައި މަދަނީ ބޭނުންތަކަށް ނިއުކްލިއަރ ޕްރޮގްރާމެއް އެކުލަވައިލުމުގައި އެމެރިކާގެ އެހީތެރިކަން ފޯރުކޮށްދިނުމެވެ.

މި އެއްބަސްވުމަށް އެމެރިކާގެ ސެނެޓުގެ ރުހުން ހޯދަން ޖެހޭއިރު، މިއީ އެމެރިކާގެ ޤާނޫނުތައް ބުނާގޮތުން ނިއުކްލިއަރ ޓެކްނޮލޮޖީ އެހެން ޤައުމުތަކާ ޙިއްޞާކުރުމުގައި ފުރިހަމަކުރަންޖެހޭ ލާޒިމު މަރުޙަލާއެކެވެ. މިކަމާ ގުޅޭގޮތުން ސެނެޓްގެ މެންބަރުންގެ މެދުގައި ބަޙުޘްތަކެއް ކުރިއަށްދާއިރު، ބައެއް މެންބަރުން ގެންދަވަނީ ސަރަޙައްދީ ޞުލްޙައަށާއި ޢާންމު މަޞްލަޙަތަށް މި އެއްބަސްވުމުގެ ސަބަބުން ކުރާނެ އަސަރުތަކާމެދު ސުވާލު އުފައްދަވަމުންނެވެ.

މަދަނީ ބޭނުންތަކަށް ނިއުކްލިއާ މަޝްރޫޢު ހިންގުމަށް އެމެރިކާއާއި ސައޫދީ އާއި ދެމެދު ޖުލައި މަހު އެއްބަސްވެފައި ވާއިރު، ފަހުން އެމެރިކާ އިން ބުނީ އެކަން ކުރެވޭނީ އިޒުރޭލާއި އެކު ގުޅުން ޤާއިމް ކުރުމަށް ސައޫދީއިން އެއްބަސްވުމުންނެވެ. ނަމަވެސް ސައޫދީން އެކަމަށް ރަސްމީ ޖަވާބެއް ދީފައެއް ނުވެއެވެ.