މެދުއިރުމަތީގެ މަސްރަޙު ގޯސްވަމުންދާ މިދަނޑިވަޅުގައި، އެމެރިކާއިން އީރާނާ ކައިރި ސަރަޙައްދުތަކަށް އަސްކަރީ ގިނަ ވަސީލަތްތަކާއި ފައުޖުތައް ފޮނުވަން ފަށައިފިއެވެ.
މަޢުލޫމާތު ލިބޭގޮތުގައި، މި ސަރަޙައްދުގައި އެމެރިކާގެ އަސްކަރީ ޙަރަކާތްތައް އިތުރުކުރުމުގެ ގޮތުން 2،000 އަށްވުރެ ގިނަ މެރިން ސިފައިން މެދުއިރުމައްޗަށް ވަނީ ފޮނުވާފައެވެ. މީގެ އިތުރުން ހަނގުރާމަމަތީ މަތިންދާބޯޓު އުފުލާ މަނަވަރުތަކާއި، މިސައިލް ދިފާޢުކުރާ ނިޒާމުތައް އަދި ޒަމާނީ ފައިޓާ ޖެޓްތައް ވެސް މި ސަރަޙައްދުގައި ދަނީ ޙަރަކާތްތެރިވަމުންނެވެ.
އެމެރިކާއިން މި ފިޔަވަޅުތައް އަޅަން ފަށާފައިވަނީ ހުރްމުޒް ކަނޑުއޮޅިން ދަތުރުކުރި ތެޔޮ ޓޭންކަރަކަށް ޙަމަލާދިނުމާ ގުޅިގެން، ކަނޑުދަތުރުފަތުރުގެ ރައްކާތެރިކަން ކަށަވަރުކުރުމަށާއި، އީރާނުގެ ފަރާތުން ކުރިމަތިވެދާނެ ޙަމަލާތަކަކުން އެ ޤައުމުގެ މަޞްލަޙަތުތައް ދިފާޢުކުރުމުގެ ބޭނުމުގައެވެ.
Advertisement
މި ސަރަޙައްދަށް އެމެރިކާއިން އަސްކަރީ ބާރުތައް ޖަމާކުރަމުންދާއިރު، އީރާނާއި އެމެރިކާއާ ދެމެދު އޮތް ނުތަނަވަސްކަން އިތުރަށް ބޮޑުވެ، ބޮޑު ހަނގުރާމައެއް ފެށިދާނެކަމުގެ ބިރުވެރިކަން މިހާރު ވަނީ އުފެދިފައެވެ.
