އިސްރާއީލުން ރާވާފައި އޮތީ އީރާނުގެ ފޮރިން މިނިސްޓަރު އައްބާސް އަރާގްޗީ އާއި ޕާލަމެންޓްގެ ރައީސް މުހައްމަދު ބަޣްރު ޣަލިބާފް ހިމެނޭ ގޮތަށް އީރާނުގެ އިސް ނެގޯޝިއޭޓަރުން އަވަހާރަކޮށްލުމަށް ކަމަށް އެމެރިކާ އިން ބުނެފިއެވެ.
އެމެރިކާ އާއި ޙަވާލާދީ މަސްދަރުތަކުން ރިޕޯޓު ކޮށްފައިވާ ގޮތުގައި އިޒުރޭލުން އެހެން ނިންމާފައި ވާތީވެ އެކަން އެގޮތަށް ވިޔަ ނުދިނުމަށް އެމެރިކާ އިން ތަދައްޚުލް ވިއެވެ.
އެމެރިކާގެ އޮފިޝަލަކު ވިދާޅުވީ އީރާނުގެ މަޖިލިސް ރައީސް ޣަލިބާފް އަވަހާރަކޮށްލަން އިޒުރޭލުން ނިންމާފައި އޮތީ މަޝްވަރާ އަށް ދާ މަގުމަތީގައި ކަމަށާއި، އިސްރާއީލުގެ ޓާގެޓް ލިސްޓެއްގައި ޢަލިބާފް ގެ ނަން އޮތް ކަން ޓްރަމްޕުގެ ސަރުކާރަށް އެނގުމުން އޭނާ އަށް އަމާޒު ނުކުރުމަށް ނަތަންޔާހޫގެ ސަރުކާރުގައި އެދިފައިވާ ކަމަށެވެ.
Advertisement
ހަނގުރާމަ ފެށުނީއްސުރެ އީރާނުގެ އިސް ލީޑަރުންނަށް އަމާޒުކޮށް ހަމަލާތައް ދިނުމަކީ އިސްރާއީލުގެ ސްޓްރެޓެޖީގެ ބައެކެވެ. އެމެރިކާގެ ކަންބޮޑުވުންތައް ބޮޑުވީ ވޮޝިންޓަނާއި ތެހެރާނާއި ދެމެދު މަޝްވަރާތައް ކުރަނިކޮށް އެފަދަ ކަމެއް އިޒުރޭލުނަ ހިންގުމުން ދުނިޔޭގެ ކުރިމަތީގައި އެމެރިކާ އަށް އޮންނަ އިތުބާރު ކުޑަވެދާނެތީ ކަމަށް މުހައްލިލުން ބުނެއެވެ.
