ހުރްމުޒް ކަނޑުއޮޅިން ފީ ނެގުން އީރާނުން 60 ދުވަހަށް ސަސްޕެންޑް ކޮށްފި

ހުސައިން އިސްމާއިލް

15 ގަޑިއިރު ކުރިން - 19 ޖޫން 2026 16:29

ހުރްމުޒް ކަނޑުއޮޅިން ތެޔޮޓޭންކަރުތަކެއް ދަތުރުކުރަނީ.

ޚުލާސާ

އެމެރިކާ އާއި އެކު ސޮއިކުރި އެއްބަސްވުމުގައިވާ ބައެއް ކަންކަމަށް އީރާނުގެ ސުޕްރީމް ލީޑަރު ވަނީ ރުހުން ދެއްވާފަ. އެގޮތުން 60 ދުވަހަށް ހުރްމުޒް ކަނޑުއޮޅިން ދަތުރުކުރާ އުޅަނދުތަކުން ނަގާ ފީ އީރާނުން ވަނީ ނުނަގަން ނިންމާފަ.

ދުނިޔޭގެ އިގްތިސާދީ އަދި ވިޔަފާރީގެ މުހިންމު މަގަކަށްވާ ހުރްމުޒް ކަނޑުއޮޅިން ދަތުރުކުރާ މުދާ އުފުލާ އުޅަނދުތަކުން ނަގަމުންދާ "ޓްރާންސިޓް ފީ" ކުރިއަށް އޮތް 60 ދުވަހުގެ މުއްދަތަށް ނުނަގާ ގޮތަށް އީރާނުން ނިންމައިފިއެވެ.

އީރާނުގެ ސަރުކާރުން މިކަން އިއުލާނުކޮށްފައިވަނީ އެމެރިކާއާއެކު ވެވުނު އާ އެއްބަސްވުމެއްގެ ދަށުންނެވެ.

އީރާނުގެ އެންމެ މަތީ ވެރިޔާ މުޖްތަބާ ޚާމަނާއީ ވިދާޅުވީ، ބައެއް ކަންކަމުގައި ހިޔާލުތަފާތުވުންތަކެއް ހުރި ނަމަވެސް، އެމެރިކާއާއެކު ވެވުނު މި އެއްބަސްވުމަށް ރުހުން ދެއްވާފައިވާ ކަމަށެވެ.

ހުރްމުޒް ކަނޑުއޮޅިއަކީ ދުނިޔޭގައި އުފައްދާ ތެލުގެ ބޮޑު ބައެއް އުފުލާ މުހިންމު ސަރަހައްދަކަށް ވުމާއެކު، މި ފީ މެދުކަނޑާލުމުން ދުނިޔޭގެ ބާޒާރުގައި ތެލުގެ އަގަށް ވެސް ވަނީ ބޮޑު ބަދަލެއް އައިސްފައެވެ.

ހުރްމުޒް އެމެރިކާ އީރާން - އެމެރިކާ އީރާން